Water Bottle: तुम्हीही सीलबंद बाटलीतलं पाणी पित असाल तर, सावधान! बाटलीत टॉयलेट सीटपेक्षाही 40 हजार पट जास्त बॅक्टेरिया

Low Quality Water : तुम्ही जर दुकानातून विकत घेतलेली पाण्याची बाटली पुन्हा वापरत असाल तर तुमच्यासाठी ही बातमी महत्वाची आहे. कारण या बाटलीत टॉयलेट सीटपेक्षा 40 हजार पट जास्त बॅक्टेरिया असल्याचा धक्कादायक खुलासा एका अभ्यासातून पुढं आलाय. या अभ्यासानुसार, पुन्हा वापरता येणाऱ्या पाण्याच्या बाटलीमध्ये लाखो बॅक्टेरिया असू शकतात. (Latest Marathi News)

कारण आपण अनेकदा दुकानातून पाण्याची बाटली विकत घेतो आणि महिनोनमहिने त्यातून पाणी पितो. अनेकदा आपण ही बाटली फक्त पाण्याने धुवून पुन्हा वापरतो. त्यामुळं तुम्ही देखील असे करत असाल तर सावधान व्हा.

अमेरिकेतील (America) वॉटर फिल्टर गुरु या संस्थेने नुकताच एक अहवाल प्रसिद्ध केला आहे. या अहवालानुसार, पुन्हा वापरता येण्याजोग्या पाण्याच्या बाटलीमध्ये टॉयलेट सीटपेक्षा सुमारे ४०,००० पट जास्त बॅक्टेरिया असू शकतात, असा धक्कादायक खुलासा झाला आहे.

या बाटलीला आता पोर्टेबल बॅक्टेरिया हाऊस म्हणून ओखळले जात आहे. धक्कादायक बाब म्हणजे या बाटलीत इतके धोकादायक बॅक्टेरिया आहेत की, जे तुमच्यामध्ये अशाप्रकारची क्षमता निर्माण करता ज्यामुळे शरीरावर औषधांचाही कोणताही परिणाम होणार नाही.

सोप्या भाषेत सांगायचे झाल्यास, जर तुम्हाला एखादी दुखापत किंवा रोग झाला तर तो बरा करण्यासाठी तुम्ही औषधांचा वापर केला तरी त्या औषधांचा कोणताही परिणाम होणार नाही. म्हणजेच तुमची दुखापत, रोग बरा होणार नाही. तसेच यातील अनेक बॅक्टेरियामुळे आतड्यांसंबंधीत आजार होऊ शकतात.

घरगुती पद्धतीने बाटली धुतल्यानंतरही त्याचत किचन सिंकच्या तुलनेत दुप्पट बॅक्टेरिया राहतात. त्यामुळे बाहेरून विकत घेत असलेली ही पाण्याची बाटली अनेक आजारांचे कारण बनू शकते. त्यामुळे पुन्हा वापरण्या योग्य पाण्याची बाटली आठवड्यातून एकदातरी गरम पाणी आणि साबणाने धुवावी.