उत्तर प्रदेशमध्ये राज ठाकरेंविरोधात बॅनरबाजी; अयोध्या दौऱ्याआधीच वातावरण तापलं
BJP Mp brij bhushan sharan singh's hoarding against raj thackeraySaam Tv

उत्तर प्रदेशमध्ये राज ठाकरेंविरोधात बॅनरबाजी; अयोध्या दौऱ्याआधीच वातावरण तापलं

Raj Thackeray News : मशिदीवरील भोंगे हटवणाच्या मुद्द्यावरून महाराष्ट्र नवनिर्माण सेनेचे अध्यक्ष राज ठाकरे देशात चर्चेच्या केंद्रस्थानी आहे.

बहराइच : मशिदीवरील भोंगे हटवणाच्या मुद्द्यावरून महाराष्ट्र नवनिर्माण सेनेचे अध्यक्ष राज ठाकरे (Raj Thackeray) देशात चर्चेच्या केंद्रस्थानी आहे. ठाकरे यांनी उत्तरप्रदेशमध्ये भोंगे हटवणाच्या मुद्यावरून योगी सरकारचे भरसभेत कौतुक केले होते. त्यानंतर लवकरच राज ठाकरे ५ जूनला अयोध्या दौऱ्यावर जाणार आहे. या दरम्यान, भाजप खासदार ब्रिजभूषण शरण सिंह यांनी राज ठाकरेंवर जोरदार टीकास्त्र सोडलं आहे. ब्रिजभूषण शरण सिंह (brij bhushan sharan singh) यांनी राज ठाकरे यांना अयोध्येत प्रवेश करू देणार नाही, असा इशारा दिला आहे. तर उत्तरप्रदेशमध्ये राज ठाकरेंच्या विरोधात जागोजागी बॅनरबाजी पाहायला मिळत आहे. ( brij bhushan sharan singh's hoarding against raj thackeray )

हे देखील पाहा -

मनसे प्रमुख राज ठाकरे यांनी भोंग्याविरोधात भूमिका घेतल्याने देशभर चर्चेत आहेत. राज ठाकरे लवकरच अयोध्या दौऱ्यावर जाणार आहेत. राज यांच्या भूमिकेचे राज्यातील अनेक भाजप नेत्यांनी समर्थन केलं आहे. मात्र, उत्तर प्रदेशमधील भाजप खासदार बृजभूषण शरण सिंह यांनी ठाकरेंनी अयोध्येमध्ये येण्यापूर्वी उत्तर भारतीयांची हात जोडून माफी मागावी, अन्यथा अयोध्येत प्रवेश करू देणार नाही, असा इशारा राज ठाकरेंना ट्विट मार्फत दिला होता. आता त्याप्रकारची बॅनरबाजी देखील जागोजागी पाहायला मिळत आहे. या बॅनरवर राज ठाकरेंनी उत्तर भारतीयांची माफी मागावी असा उल्लेख आहे. त्याचबरोबर माफी न मागितल्यास पुन्हा माघारी जा, असा इशारा खासदार शरण सिंह यांनी दिला आहे. या बॅनरविरोधात महाराष्ट्र नवनिर्माण सेनेकडून काय प्रतिक्रिया येईल, याकडे सर्वांचे लक्ष लागले आहे. राज ठाकरेंविरोधात बॅनरबाजी केल्याने राजकीय वातावरण चांगलेच तापले आहे.

BJP Mp brij bhushan sharan singh's hoarding against raj thackeray
Tata Steel Factory Fire: टाटा स्टीलच्या प्रकल्पात मोठ्या स्फोटानंतर भीषण आग

'ट्विट'करून भाजप खासदाराने दिला होता 'हा' इशारा

भाजप खासदार ब्रिजभूषण शरण सिंह यांनी राज ठाकरेंच्या विरोधात कठोर भूमिका घेतली आहे. शरण सिंह म्हणाले होते की, उत्तर प्रदेशचे मुख्यमंत्री योगी आदित्यनाथ (Yogi adityanath) यांनी राज ठाकरे यांना भेटू नये. राज ठाकरे उत्तर भारतीयांची जाहीर माफी मागत नाही, तोपर्यंत योगी आदित्यनाथ यांनी राज ठाकरेंना भेटू नये, असा सल्ला खासदार ब्रिजभूषण शरण सिंह यांनी दिला होता.

ठाकरे कुटुंबावर देखील साधला निशाणा

भाजप खासदाराने राम मंदिर आंदोलनामधील ठाकरे कुटुंबाच्या भूमिकेवर टीका केली. यावर ट्विट करत ब्रिजभूषण सिंह म्हणाले की, 'राम मंदिर आंदोलन ते मंदिर निर्माणापर्यंत राष्ट्रीय स्वयंसेवक संघ, विश्व हिंदू परिषद आणि सामान्य लोकांची भूमिका महत्वाची होती. मात्र, ठाकरे कुटुंबाचं या आंदोलनाशी काहीच देणे घेणे नाही.'

Edited By - Vishal Gangurde

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.