Bull Fighting : भरबाजारात दोन बैलांमध्ये जोरदार जुंपली; झुंजता झुंजता दुकानच कोसळलं अन्

Viral Video : सोशल मीडियावर प्राण्यांचे अनेक व्हिडिओ व्हायरल होत असतात. यातील काही व्हिडिओमध्ये प्राण्यांचा क्यूटनेस पहायला मिळतो तर कधी माकडाचा खट्याळपणा खळखळवून हसवतो. तसेच वाघ किंवा सिंह यांचे काळजात धडकी भरवणारे व्हिडिओ देखील व्हायरल होतात. आता देखील सोशल मीडियावर असाच एक व्हिडिओ व्हायरल झाला आहे. यामध्ये दोन बैलांमध्ये जोरदार भांडण सुरू असलेलं दिसत आहे. (Viral News)

शेतात नांगरणीसारख्या मेहनतीच्या कामांसाठी बैलाचा मोठा उपयोग होतो. गावात दूरदूरवर वाहतूकीसाठी देखील बैलगाडीचा वापर केला जातो. अशा ताकतीच्या बैलांची एकमेकांशी हाणामारी सुरू झाली तर? खरोखरचं असं झाल्यावर पुढे काय होणार आणि काय नाही याचा काही नेम नाही.

सोशल मीडियावर व्हायरल होत असलेल्या व्हिडिओमध्ये दिसत आहे की, बाजार परिसरात गजबज असताना दोन बैल अचानक एकमेकांशी भीडले आहेत. त्यांच्यात होत असलेली हाणामारी पाहून तेथे उपस्थीत सगळेच घाबरून गेलेत. एवढी गर्दी असून कोणीही पुढे येऊन ही हाणामारी थांबवण्यास तयार नाही. अशात या सगळ्यात एक बैल दुसऱ्या बैलाला मागून जोरात शिंग मारतो. शिंग लागताच बैल थेट समोर असलेल्या दुकानावर उलटा पडतो.

या घटनेत पत्र्याच्या त्या दुकानाचं मोठं नुकसान होतं. दुकान पुर्ण मोडून जातं. सुदैवाने या दुकानातील व्यक्ती बाहेर उभा होता. त्यामुळे यात त्याला कोणतीही दुखापत होत नाही. दुसरा बैल एवढ्या जोरात खाली पडतो की संपूर्ण दुकान मोडकळून पडतं. एवढं लागलेलं असताना देखील हा बैल शांत बसत नाही. तो पुन्हा दुसऱ्या बैलावर हल्ला करण्यासाठी धावून जातो. बैलांच्या या हाणामारीचा व्हिडिओ जोरदार व्हायरल होत आहे. नेटकरी यावर वेगवेगळ्या कमेंट करत आहेत.