नवी दिल्ली: कोरोना प्रतिबंधक लशीचा (corona booster vaccine) बुस्टर डोस घेण्याबाबतच्या नियमांमध्ये सरकारने बदल केला आहे. बुस्टर डोस आता ९ महिन्यांऐवजी ६ महिन्यानंतर घेतला येणार आहे. जर तुम्ही लसीचे दोन्ही डोस घेतले असतील तर, बुस्टर डोस घेण्यासाठी तुम्हाला ९ महिन्यांची वाट पाहावी लागणार नाही.
मिळालेल्या माहितीनुसार, सरकारनं कोरोना प्रतिबंधक लशीचा बुस्टर डोस (COVID 19 Vaccine Booster) घेण्याबाबतच्या नियमांमध्ये बदल करून दुसरा डोस आणि बुस्टर डोस यांच्यातील कालावधी कमी केला आहे. दुसऱ्या डोसनंतर बुस्टर डोस घेण्यासाठी ९ महिन्यांऐवजी ६ महिन्यांनंतर हा डोस घेता येईल. १८ ते ५९ वयोगटातील नागरिक आता ९ महिन्यांऐवजी ६ महिन्यांनंतर बुस्टर डोस (Booster Dose) घेऊ शकतात, असं सरकारकडून सांगण्यात आलं आहे.
राष्ट्रीय तांत्रिक सल्लागार समूह (NTAGI) ने सरकारकडे कोरोना (Corona) प्रतिबंधक लशीच्या बुस्टर डोसच्या कालावधीसंदर्भात शिफारस केली होती. याशिवाय एनटीएजीआयने १२ वर्षांपेक्षा कमी वयाच्या मुलांनाही कोरोना प्रतिबंधक लसीचा डोस देण्यासंदर्भात शिफारस केली आहे.
एनटीएजीआयच्या सूत्रांनी दिलेल्या माहितीनुसार, १२ ते १७ वयोगटातील मुलांचे लसीकरण कमी प्रमाणात झाले आहे. या वयोगटातील मुलांना १२ वर्षे वयोगटातील मुलांच्या तुलनेत अधिक धोका आहे. बुस्टर डोस म्हणून Corbevax च्या वापरासंदर्भात एनटीएजीआयकडून कोणतीही चर्चा झालेली नाही.
दरम्यान, कोरोनापासून (Covid 19) संरक्षण करण्यासाठी आतापर्यंत बुस्टर डोस घेण्याकरिता ९ महिने पूर्ण होण्याची वाट पाहावी लागत होती. मात्र, सरकारने घेतलेल्या या निर्णयानंतर ज्यांनी दुसरा डोस घेतला आहे, त्या तारखेपासून सहा महिन्यांनंतर बुस्टर डोस घेऊ शकतात.
Edited By - Nandkumar Joshi
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
