Eknath Shinde : CM शिंदेंनी रात्री उशिरा घेतली अमित शाहांची भेट; नेमकी काय चर्चा झाली?

मुख्यमंत्री एकनाथ शिंदे यांनी गुरूवारी रात्री उशिरा केंद्रीय गृहमंत्री अमित शाह यांची भेट घेतली.
CM Eknath Shinde Meets Amit Shah
CM Eknath Shinde Meets Amit Shah Twitter

CM Eknath Shinde Meet Amit Shah : राज्यात सत्तास्थापन झाल्यानंतर शिंदे सरकारमधील प्रमुख नेत्यांच्या दिल्लीत बैठका वाढल्या आहेत. याशिवाय मुख्यमंत्री एकनाथ शिंदेही सध्या दिल्ली दौऱ्यावर आहेत. यादरम्यान शिंदेंनी (Eknath Shinde) गुरूवारी रात्री उशिरा केंद्रीय गृहमंत्री अमित शाह (Amit Shah) यांची भेट घेतली. या भेटीत दोघांमध्ये जवळपास ४० मिनिटं चर्चा सुरू होती.

CM Eknath Shinde Meets Amit Shah
Corruption: भ्रष्टाचार प्रकरणात चीनच्या माजी मंत्र्यांसह दोघांना मृत्युदंडाची शिक्षा

शिवसेनेसोबत सुरू असलेला संघर्ष, सर्वोच्च न्यायालयातील सुनावणी आणि दसरा मेळावा अशा महत्वाच्या विषयावर यावेळी चर्चा झाली असल्याची शक्यता आहे. मात्र, ही भेट राजकीय नसून सदिच्छा भेट होती असं एकनाथ शिंदे यांनी सांगितलं आहे.

दिल्ली दौऱ्यावर असलेल्या एकनाथ शिंदे यांची गुरुवारी संध्याकाळपर्यंत कोणत्याही केंद्रीय नेत्यासोबत भेट झाली नव्हती. पण रात्री उशिरा ते अमित शाह यांच्या भेटीसाठी पोहोचले. एकनाथ शिंदे यांनी ट्विट करत अमित शाह यांच्या भेटीचे फोटो शेअर केले आहेत.

अमित शाह यांच्यासोबत झालेली भेट राजकीय नसून सदिच्छा भेट होती, असं एकनाथ शिंदे यांनी सांगितलं आहे. या भेटीदरम्यान राज्यातील विकासकामांसह अनेक विषयांवर सविस्तर चर्चा करण्यात आली असल्याचंही त्यांनी सांगितलं आहे.

शिंदे गटाची मंत्रिपदावरून नाराजी?

दुसरीकडे शिंदे गटाला मिळालेल्या खात्यांबाबत असमाधानी असल्याचे बोलले जात आहे. ग्रामीण भागाशी निगडित एखाद दुसरे खाते मिळावे अशी शिंदे गटातील मंत्र्यांची इच्छा आहे. शिंदे गटाकडे आता कृषी आणि फलोत्पादन ही दोनच खाती ग्रामीण भागाशी सबंधित आहेत. ग्राम विकास, जलसंपदा किंवा सार्वजनिक बांधकाम यापैकी एक खाते शिंदे गटाला हवे आहे, याबाबत मुख्यमंत्री एकनाथ शिंदे भाजप पक्षश्रेष्ठीशी चर्चा करण्यासाठी दिल्लीत गेले असल्याचे बोलले जात आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com