नवी दिल्ली: काँग्रेसला (Congress) तब्बल २४ वर्षांनी गांधी घराण्याबाहेरील अध्यक्ष मिळाला आहे. मल्लिकार्जून खरगे (Mallikarjun Kharge) काँग्रेसचे नवे अध्यक्ष असतील. त्यांनी शशी थरुर यांचा पराभव केला आहे.
देशभरातील ४० केंद्रांवर उभारलेल्या बूथवर मतदान करून मल्लिकार्जुन खरगे आणि शशी थरूर यांच्यातील ९८०० हून अधिक काँग्रेस नेत्यांनी आपली निवड केली आहे. नव्या अध्यक्षपदाच्या शर्यतीत मल्लिकार्जुन खरगे हे सुरुवातीपासूनच पुढे होते. याचे मोठे कारण म्हणजे खरगे यांना गांधी घराण्यातील दिग्गज काँग्रेस नेत्यांचा पाठिंबा होता. (Latest News)
कॉंग्रेस अध्यक्ष पदाच्या निवडणूकीत मल्लीकार्जून खरगे यांचा विजय झाल्यानंतर त्यांचे प्रतिस्पर्धी शशी थरूर यांना खरगे यांना ट्वीट करून शुभेच्छा दिल्या.
कॉंग्रेसचे अध्यक्ष होणे हा सर्वात मोठा सन्मान आणि मोठी जबाबदारी आहे. खर्गेजी ह्या कार्यात सर्वस्वी यशस्वी व्हावेत अशी माझी इच्छा आहे. एक हजाराहून अधिक सहकार्यांचा पाठिंबा मिळणे आणि काँग्रेसच्या अनेक हितचिंतकांच्या आशा आणि आकांक्षा भारतभर घेऊन जाणे, हा बहुमान आहे, असं थरुर यांनी म्हटलं.
काँग्रेससाठी आजचा दिवस ऐतिहासिक आहे. कारण तब्बल २४ वर्षांनंतर काँग्रेसला गांधी घराण्याबाहेरील नेता काँग्रेसच्या अध्यक्षपदासाठी मिळाला आहे. याआधी सीताराम केसरी हे काँग्रेस घराण्याबाहेरील काँग्रेसचे राष्ट्रीय अध्यक्ष राहिले आहेत.
सहाव्यांदा अध्यक्षपदासाठी निवडणूक
काँग्रेस पक्षाच्या १३७ वर्षांच्या इतिहासात सहाव्यांदा अध्यक्षपदासाठी निवडणूक झाली आहे. पक्षाचे सरचिटणीस जयराम रमेश यांनी दिलेल्या माहितीनुसार, अध्यक्षपदासाठी १९३९, १९५०, १९७७, १९९७ आणि २००० मध्ये निवडणुका झाल्या होत्या. यावेळी तब्बल २२ वर्षांनंतर अध्यक्षपदाची निवडणूक होत आहे. त्यांनी सांगितले की, या निवडणुकीनंतर 24 वर्षांनंतर गांधी घराण्याबाहेरचा नेता देशातील सर्वात जुन्या पक्षाच्या अध्यक्षपदी निवडला जाईल.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.