नवी दिल्ली - आधीच महागाईने त्रस्त असलेल्या सर्वसामान्यांना पुन्हा एकदा मोठा झटका बसला आहे. देशात पेट्रोल (Petrol) आणि डिझेलच्या (Diesel) वाढत्या किमतींमुळे आधीच जनता हैराण आहे आणि त्यातच आता असतानाच सिलिंडरच्या (Cylinder) दरात ही वाढ झाली आहे. कंपन्यांनी घरगुती गॅस सिलेंडरच्या किंमतीत 50 रुपयांनी वाढ केली आहे. त्यामुळे आता 14.2 किलोंच्या घरगुती सिलिंडरची किंमत 999.50 रुपये झाली आहे. याआधी मार्च 2022 मध्ये घरगुती सिलिंडरच्या किंमतीत 50 रुपयांनी वाढ करण्यात आली होती. जुलै 2021 पासून तब्बल 5 वेळा गॅस सिलेंडरच्या किंमती वाढल्या आहेत.
हे देखील पाहा -
त्याचबरोबर या महिन्यात व्यावसायिक गॅस सिलिंडरच्या किमतीत 102 रुपयांनी वाढ करण्यात आली आहे. 19 किलोच्या व्यावसायिक एलपीजी सिलिंडरची किंमत 2355.50 रुपये झाली आहे. यापूर्वी त्याची किंमत 2253 रुपये होती.
त्याच वेळी, 5 किलोच्या एलपीजी सिलेंडरची किंमत सध्या 655 रुपये आहे. 1 एप्रिल रोजी एलपीजी सिलिंडरच्या किंमतीत 250 रुपयांनी वाढ करण्यात आली होती. यापूर्वी 1 मार्च रोजी 19 किलोच्या व्यावसायिक गॅस सिलिंडरच्या किमतीत 105 रुपयांनी, तर 22 मार्चला 9 रुपयांनी वाढ करण्यात आली होती.
Edited By - Shivani Tichkule
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
