सावध व्हा! देशात कोरोना पुन्हा वाढतोय; 24 तासांत आढळले 'इतके' रुग्ण

Corona Cases In India : गेल्या काही दिवसांपासून देशात दैनंदिन 3 हजारांहून अधिक कोरोना प्रकरणे समोर येत आहे.
सावध व्हा! देशात कोरोना पुन्हा वाढतोय; 24 तासांत आढळले 'इतके' रुग्ण
India Corona UpdateSaam TV

नवी दिल्ली: कोरोनाची तिसरी लाट (Corona Third Wave) हळूहळू ओसरल्यानंतर देशातील रुग्णसंख्या झपाट्याने कमी झाली. त्यानंतर देशासह राज्यातील निर्बंध हटवण्यात आले. परिस्थिती पूर्ववत होत असतानाच, पुन्हा एकदा देशातील काही राज्यांमध्ये कोरोनाने (Corona In India) डोकं वर काढलं आहे. त्यामुळे आरोग्य प्रशासनासह सर्वसामान्यांची डोकेदुखी वाढली आहे. देशात मागील काही दिवसांपासून दिवसागणिक 3 हजारांहून (Corona Positive) अधिक रुग्णसंख्या वाढ असल्याने आरोग्य प्रशासन सतर्क झालं आहे. (Corona Latest News in Marathi)

India Corona Update
सर्वसामान्यांना मोठा झटका, घरगुती LPG गॅस सिलिंडर महागला

आरोग्य मंत्रालयाने दिलेल्या ताज्या माहितीनुसार, गेल्या 24 तासांत देशभरात कोरोनाचे 3 हजार 805 नवे रुग्ण आढळून आले. तर याच कालावधीत 22 जणांचा मृत्यूही झाला. त्याचवेळी 3 हजार 168 रुग्णांनी कोरोनावर यशस्वी मात देखील केली. शुक्रवारी आढळून आलेल्या नव्या रुग्णांमुळे देशात कोरोनाबाधितांची सक्रिय रुग्णसंख्या 20 हजार 303 वर पोहोचली आहे. गेल्या काही दिवसांपासून देशात दैनंदिन 3 हजारांहून अधिक कोरोना प्रकरणे समोर येत आहे. चिंताजनक बाब म्हणजे मृत्युमुखी पडणाऱ्यांची संख्याही वाढली आहे.

दुसरीकडे शुक्रवारी 3 हजारांहून अधिक रुग्णांनी कोरोनावर यशस्वी मात केली. त्यामुळे कोरोनापासून बरे होण्याचा आकडा आता 4,25,54,416 वर पोहोचला आहे. गेल्या 24 तासांत कोरोनाच्या 4,87,544 चाचण्या घेण्यात आल्या. त्यानंतर एकूण चाचणीचा आकडा 84.03 कोटींवर पोहोचला आहे. देशव्यापी लसीकरण मोहिमेअंतर्गत आतापर्यंत 190.00 कोटी लसीचे डोस देण्यात आले आहेत. सध्या देशात एकूण कोरोना संसर्गाच्या 0.05 टक्के सक्रिय प्रकरणे आहेत.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.