वृत्तसंस्था : गुजरात मधील द्वारका या ठिकाणी एटीएसकडून मोठी कारवाई करण्यात आली आहे. द्वारका मधील नवाद्रा या गावात एका घरामधून २४ किलोचे अमली पदार्थ जप्त करण्यात आले आहेत. त्याची बाजारात किंमत १२० कोटी रुपये इतकी आहे. या प्रकरणी एटीएसकडून तिघांना ताब्यात घेण्यात आले आहे.
हे देखील पहा-
काही दिवसाअगोदर गुजरातच्या मोरबी जिल्ह्यात एका गावामधून एटीएसने १२० किलो अमली पदार्थ जप्त करण्यात आले होते. त्याचे बाजारमूल्य जवळपास ६०० कोटी रुपये इतके होते. या प्रकरणाचा तपास करणाऱ्या एटीएसच्या हाती आज मोठ्या प्रमाणात यश लागले आहे. या प्रकरणाचे धागेदोरे पंजाब, राजस्थान आणि महाराष्ट्रापर्यंत जात असल्याचा दावा एटीएसने केला आहे.
पंजाबच्या फरिदाकोट तुरुंगामध्ये असलेला भूषण शर्मा उर्फ भोला शूटर तुरुंगामधूनच अमली पदार्थांचे रॅकेट चालवत असल्याची माहिती आरोपींनी दिल्याचे एटीएसकडून सांगण्यात आले आहे. मिळालेल्या माहितीनुसार, नवलखी बंदराजवळ असलेल्या जिनजुदा गावाजवळ १२० किलोचे अमली पदार्थ जप्त करण्यात आले आहेत. यानंतर तिघांना अटक करण्यात आली आहे. एटीएसने स्थानिक पोलिसांच्या मदतीने ही कारवाई करण्यात आली आहे.
Edited By- Digambar Jadhav
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.