Delhi AIIMS News: दिल्लीतील एम्स रुग्णालयावर सायबर हल्ला; ३६ तासांपासून सर्व्हर निकामी झाल्यानं रुग्णांचे हाल

News about AIIMS Delhi server: धक्कादायक बाब म्हणजे गेल्या 36 तासांपासून रुग्णालयाचे सर्व्हर डाऊन आहेत, यामुळे ओपीडीसह आपत्कालीन म्हणजेच इमर्जन्सी सेवा प्रभावित झाल्या आहेत.
Cyber Crime
Cyber CrimeSaam tv

शिवाजी काळे, नवी दिल्ली

AIIMS Delhi Hack News: देशाची राजधानी असलेल्या नवी दिल्लीतून एक मोठी बातमी समोर येत आहे. दिल्लीतील एम्स (AIIMS) रुग्णालयाच्या सर्व्हरवर सायबर अटॅक (Cyber Attack) झाला आहे. या सायबर हल्ल्यामुळे खळबळ उडाली असून रुग्णालयाची सर्व्हर निकामी झाले आहेत. त्यामुळे रुग्णांचे हाल होतायत.

रुग्णालयाचं कामकाज ऑनलाईन बंद असून सध्या मानवी बळाद्वारे (मॅन्युअली) कामकाज सुरू आहे. धक्कादायक बाब म्हणजे गेल्या 36 तासांपासून रुग्णालयाचे सर्व्हर डाऊन आहेत, यामुळे ओपीडीसह आपत्कालीन म्हणजेच इमर्जन्सी सेवा प्रभावित झाल्या आहेत. याबाबत रुग्णालय प्रशासनाकडून पोलीस स्टेशनमध्ये तक्रार दाखल करण्यात आली आहे. (Delhi AIIMS Hospital News)

Cyber Crime
Konkan Railway News: कोकण रेल्वेची वाहतूक विस्कळीत; कोकण कन्या एक्सप्रेस 5 तासापासून वीर रेल्वे स्थानकात उभी

दिल्ली एम्स (All India Institute Of Medical Science, Delhi) हे देशातील सर्वात प्रतिष्ठित रुग्णालय आणि संशोधन संस्था आहे. एम्स दिल्लीचा सर्व्हर दोन दिवस उलटूनही सुरळीत होऊ शकलेला नाही. सुत्रांनी दिलेल्या माहितीनुसार, सुरक्षेच्या कारणास्तव गुरुवारी संध्याकाळी एम्सचा लॅन इंटरनेट सर्व्हरही बंद करावा लागला. सध्या एम्स कॅम्पसमध्ये मोबाईल इंटरनेट सेवा वापरली जात आहे.

Cyber Crime
Maharashtra Vs Karnataka: टाचणीभरही जमीन कर्नाटकात जाणार नाही; मुख्यमंत्री बोम्मईंना भाजपचा घरचा आहेर

या प्रकरणाची गंभीरता लक्षात घेता भारतीय तपास यंत्रणा या प्रकरणाचा तपास करत आहेत. राष्ट्रीय सुरक्षा सल्लागार अजित डोवालही काल, गुरुवारी एम्समध्ये पोहोचले होते. चीनकडून हा सायबर हल्ला झाला आहे का? या अॅंगलने याचा शोध घेतला जात आहे. एम्स व्यवस्थापनाने सायंकाळी उशिरा संगणक शाखेशी संबंधित दोन कर्मचाऱ्यांना निलंबित केलं आहे. सूत्रांचं म्हणणं आहे की, आयटी मंत्रालयाशिवाय राष्ट्रीय सुरक्षेशी संबंधित इतर एजन्सी एम्सची यंत्रणा वाचवण्याचा प्रयत्न करत आहेत.

Edited By - Akshay Baisane

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com