Andhra Pradesh News : भारतात बकऱ्या, मेंढ्या, कोंबड्यांच्या मटणाचा (Meat) अन्नात लोकांकडून मोठ्या प्रमाणात सामावेश केला जातो. मात्र, आंध्रप्रदेशमध्ये (Andhra Pradesh) अचानक गाढवांच्या मांसाची मागणी मोठ्या प्रमाणात वाढली आहे. गाढवांच्या मांसाच्या सेवनामुळे व्यक्तीच्या लैंगिक क्षमता वाढते, असा भ्रम लोकांमध्ये मोठ्या प्रमाणात पसरला आहे. आंध्र प्रदेशच्या लोकांमध्ये गाढवांच्या मांसाची मागणी वाढल्यामुळे आरोग्य तज्ञांमध्ये चिंता वाढली आहे. गाढवांच्या मांसाची विक्री अवैधरित्या वाढली असल्यामुळे पोलिसांकडून मोठ्या कारवाईचा बडगा उगारला जात आहे.
आंध्र प्रदेशमध्ये गाढवांच्या मांसाची मागणी मोठ्या प्रमाणात वाढली आहे. गाढवाची शिकार करणे आणि गाढवाच्या मांसाचे सेवन करणे कायद्याने गुन्हा आहे. मात्र, समाजात २०१० च्या सालापर्यंत गाढवाचा मांसाचा सामावेश अन्नात केला जात होता.
दरम्यान, गाढवाच्या मटणाचा आहारात सामावेश केल्यामुळे व्यक्तीच्या लैंगिक क्षमतेत वाढ होते असा भ्रम आंध्रप्रदेशच्या लोकांमध्ये पसरला आहे. त्यामुळे आंध्रप्रदेशच्या वेगवेगळ्या भागात गाढवाच्या मांसाची मागणी मोठ्या प्रमाणात वाढली आहे. आंध्रप्रदेशच्या कृष्णा, गुंटूर, पश्चिम गोदावरी, प्रकाशम आणि बापतला या भागात गाढवाच्या मांसाची वाढली आहे.
गाढवाच्या मटणाच्या आहाराविषयी लोकांमध्ये मोठ्या प्रमाणात भ्रम पसरला आहे. गाढवाच्या मांसाचे सेवन केल्यामुळे लैंगिक क्षमता वाढण्यासहित पाठदुखी, दमा, श्वासाविषयी समस्या बऱ्या होतात असाही भ्रम लोकांमध्ये मोठ्या प्रमाणात पसरला आहे.
गाढवाच्या मांसाचे सेवन करणे आहे नुकसानकारक
आंध्र विद्यापीठाच्या 'फूड ऐंड न्यूट्रिशन विभागा'चे प्राध्यापक सुधाकार यांनी गाढवाच्या मांसाचे सेवन केल्याने होण्याऱ्या आरोग्यदायी फायद्याचे खंडण केले आहे. गाढवाच्या मांसाचे सेवन केल्यामुळे आरोग्याला फायदा होतो याबाबत कोणतेही संशोधन समोर आलेले नाही. त्यामुळे गाढवाच्या मटणाच्या सेवनाने फायदा होतो हे खोटे आहे, असेही प्राध्यापक सुधाकार म्हणाले.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.