Earthquake in Delhi : दिल्ली पुन्हा एकदा भूकंपाच्या धक्क्याने हादरली; ५.६ रिश्टर स्केलचा भूकंप

राजधानी दिल्ली पुन्हा एकदा भूंकपाच्या धक्क्याने हादरली आहे. दिल्लीत ५.६ रिश्टर स्केलच्या तीव्रतेचे भूकंपाचे धक्के जाणवले.
Earthquake
Earthquake saam tv

Delhi Earthquake : राजधानी दिल्ली पुन्हा एकदा भूंकपाच्या धक्क्याने हादरली आहे. दिल्लीत ५.६ रिश्टर स्केलच्या तीव्रतेचे भूकंपाचे धक्के जाणवले. या भूकंपाचा केंद्रबिंदू नेपाळमध्ये होता. दुपारी २ वाजून २८ मिनिटाच्या सुमारास भूकंपाचे धक्के जाणवले. भूंकपाच्या धक्क्यानंतर परिसरात नागरिकांमध्ये एकच भीती पसरली. (Latest Marathi News)

Earthquake
Gun Firing In USA: अमेरिका पुन्हा हादरली! गोळीबाराच्या दोन घटनांमध्ये 9 जणांचा मृत्यू

मिळालेल्या माहितीनुसार, दिल्ली-एनसीआरमध्ये मंगळवारी दुपारी २:२८ वाजण्याच्या सुमारास भूकंपाचे (Earthquake) धक्के जाणवले आहेत. भूकंपाचे धक्के नागरिकांना खूप वेळ जाणवले. या भूकंपाची तीव्रता ५.६ रिश्टर स्केल जाणवली.

भूकंप केवळ दिल्ली-एनसीआरमध्येच जाणवला नाही, तर भूकंप हा उत्तराखंड, उत्तर प्रदेशच्या रामपूरमध्ये भूकंपाचे धक्के जाणवल्याची माहिती समोर आली आहे.

राष्ट्रीय भूकंप विज्ञान केंद्राच्या माहितीनुसार, नेपाळ हे भूंकपाचे केंद्र होतं. मंगळवारी दुपारी २:२८ वाजण्याच्या सुमारास झालेल्या भूकंपाचे धक्के दिल्ली-एनसीआर, उत्तराखंड आणि उत्तर प्रदेशाच्या अनेक विभागात जाणवले आहेत. मिळालेल्या माहितीनुसार, नेपाळमध्ये जमीनीपासून १० किलोमीटर खोल भूकंपाचं केंद्र होतं. भूकंपाची तीव्रता इतकी तीव्र होती की, अनेक जण घाबरून घराबाहेर निघाले.

Earthquake
Delhi Mayor Election : दिल्लीत महापौर कुणाचा? आज होणार फैसला

हिमाचल प्रदेशही भूकंपाने हादरला होता

दरम्यान, हिमाचल प्रदेशातील धर्मशाला येथे १४ जानेवारी रोजी भूकंपाचे धक्के जाणवले होते. धर्मशालापासून पूर्वेला 22 किमी परिसरात पहाटे 5:17 वाजता 3.2 रिश्टर स्केलचा भूकंप झाला. या संदर्भात राष्ट्रीय भूकंप विज्ञान केंद्राने माहिती दिली होती.

यापूर्वी 5 जानेवारी रोजी दिल्ली-एनसीआरमध्ये (Delhi) भूकंपाचे जोरदार धक्के जाणवले होते. जम्मू आणि काश्मीरमध्येही भूकंपाचे झटके बसले होते. तेथेही लोकांना भूकंपाचे जोरदार धक्के जाणवले. या भूकंपाची तीव्रता 5.9 इतकी होती.

या भूकंपाचे (Earthquake) केंद्र अफगाणिस्तानमधील हिंदू कुश परिसरात होते. यापूर्वीही दिल्ली-एनसीआरमध्ये भूकंपाचे जोरदार धक्के जाणवले आहेत. त्यामुळे दिल्ली-एनसीआरमध्ये भूकंपाच्या धक्क्याची मालिका सुरूच असल्याचे दिसून येत आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
logo
Saam TV | साम टीव्ही
www.saamtv.com