ED On National Herald House | यंग इंडियन ऑफिस ईडीकडून सील; काँग्रेस मुख्यालय, सोनियांच्या घराबाहेर सुरक्षा वाढवली

सोनिया गांधी आणि राहुल गांधी यांच्या चौकशीनंतर ईडीनं आता नॅशनल हेराल्ड प्रकरणी मोठी कारवाई केली आहे.
National Herald House Sealed
National Herald House Sealed SAAM TV

National Herald House Sealed नवी दिल्ली: काँग्रेस अध्यक्षा सोनिया गांधी आणि राहुल गांधी यांच्या चौकशीनंतर ईडीनं नॅशनल हेराल्ड प्रकरणाशी संबंधित मोठी कारवाई केली आहे. हेराल्ड हाऊसमधील यंग इंडियनचे कार्यालय ईडीनं सील केलं आहे.

National Herald House Sealed
Sonia Gandhi-Smriti Irani: सोनिया गांधी-स्मृती इराणी यांच्यात शाब्दिक चकमक; खासदारांना हस्तक्षेप करावा लागला

सक्तवसुली संचालनालयाने (ED) परवानगीशिवाय नॅशनल हेराल्ड हाऊसमधील कार्यालय उघडण्यास मनाई केली आहे. त्याचबरोबर काँग्रेसच्या कार्यालयाबाहेर पोलिसांचा मोठा बंदोबस्त ठेवण्यात आला आहे.

काँग्रेसचे (Congress) मुख्यालय आणि तेथील रस्त्यांवर बॅरिकेड्स लावण्यात आले आहेत. त्याचबरोबर राहुल गांधी (Rahul Gandhi) आणि सोनिया गांधी (Sonia Gandhi) यांच्या निवासस्थानाची सुरक्षाव्यवस्था देखील वाढवण्यात आली आहे.

National Herald House Sealed
National Herald | नॅशनल हेराल्ड प्रकरण नक्की आहे काय ?;पाहा व्हिडीओ

ईडीने ही कारवाई नॅशनल हेराल्ड प्रकरणाशी संबंधित दिल्लीतील विविध १२ ठिकाणांवर आणि दिल्लीच्या बाहेरील अन्य ठिकाणांवर केलेल्या छापेमारीनंतर केली आहे. या प्रकरणात यापूर्वी सोनिया गांधी आणि राहुल गांधी यांची ईडीने चौकशी देखील केली आहे.

सूत्रांच्या माहितीनुसार, या प्रकरणातील पुरावे सुरक्षित ठेवण्यासाठी तात्पुरत्या स्वरुपात हे कार्यालय सील करण्यात आले आहे. मंगळवारी छापेमारीवेळी जबाबदार प्रतिनिधींच्या अनुपस्थितीमुळे ते पुरावे एकत्रित करता आले नव्हते.

दुसरीकडे नॅशनल हेराल्ड भवनमधील उर्वरित कार्यालये ही खुली असतील. सूत्रांच्या माहितीनुसार, ईडीने यंग इंडियनच्या कार्यालयाबाहेर नोटीस लावली आहे. त्यावर तपास अधिकाऱ्याची स्वाक्षरी देखील आहे. हे कार्यालय तपास संस्थेच्या परवानगीशिवाय उघडू शकत नाही, असे या नोटिशीत म्हटलेले आहे.

दरम्यान, नॅशनल हेराल्ड प्रकरणात सोनिया गांधी यांची चौकशी झाली होती. त्यानंतर ईडीने विविध ठिकाणी छापेही टाकले होते. सोनिया गांधी यांच्या ईडी चौकशीनंतर त्याविरोधात काँग्रेसच्या नेत्यांनी निदर्शने केली होती. राहुल गांधीही रस्त्यावर उतरले होते. त्याचवेळी राहुल गांधी यांच्यासह अनेक नेत्यांना पोलिसांनी ताब्यात घेतले होते. भाजपकडून केंद्रीय तपास संस्थांचा गैरवापर होत असल्याचा आरोपही काँग्रेसने केला होता.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com