नवी दिल्ली : केंद्र सरकारने (Central Govt) केंद्रीय कर्मचाऱ्यांना डीए आणि बोनस दिल्यानंतर एका नियमामध्ये बदल केला आहे. या नियमातील सुचनांकडे कर्मचाऱ्यांनी दुर्लक्ष केलं तर त्यांना निवृत्तीनंतर मिळणाऱ्या पेन्शन आणि ग्रॅच्युइटीपासून (Pension and Gratuity) हात धुआवे लागणार आहेत. शिवाय या नियमाकडे दुर्लक्ष न करण्याची ताकीद देखील सरकारने कर्मचाऱ्यांना दिली आहे.
या नव्या नियमानुसार आता कोणताही केंद्रीय कर्मचारी आपल्या नियोजित कामामध्ये कुचराई करताना दिसला किंवा कोणी कामामध्ये कुचराई केली तर त्या कर्मचाऱ्याची पेन्शन आणि ग्रॅच्युइटी थांबवण्याचे आदेश सरकारने दिले आहेत.
केंद्र सरकारने नुकतचं सेंट्रल सिव्हिल सर्व्हिसेस (Central Civil Services) नियम 2021 नुसार एक सूचना प्रसिद्ध केली आहे. त्यानुसार केंद्र सरकारने CCS (पेन्शन) नियम 2021 च्या नियम 8 मध्ये बदल करण्यात आले होते. त्यामध्ये नव्या तरतुदी करण्यात आल्या आहेत.
या सुचनेनुसार, एखादा केंद्रीय कर्मचारी आपल्या सेवेच्या कार्यकाळामध्ये एखाद्या गंभीर गुन्ह्यात किंवा बेफिकीरीमध्ये दोषी सापडल्यास त्यांची ग्रॅच्युइटी आणि पेन्शन रोखण्यात येईल. शिवाय या सर्व नियमाची माहिती सर्व संबंधित प्राधिकरणांना पाठवण्यात आली आहे. दोषी कर्मचाऱ्यांची माहिती मिळताच त्यांची पेन्शन आणि ग्रॅच्युइटी रोखण्याची कारवाई सुरू करण्यात यावी असं देखील या नव्या नियमांमध्ये स्पष्ट करण्यात आलं आहे. त्यामुळे आता केंद्रीय कर्मचाऱ्यांना आपल्या कामाबाबत अधिक जागरुक राहावं लागणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.