Excise Policy: दारू घोटाळ्याप्रकरणी ईडीची मोठी कारवाई, 6 राज्यांमध्ये 40 ठिकाणी छापे

अंमलबजावणी संचालनालय (ईडी) पथक मद्य धोरणाबाबत बेंगळुरू, हैदराबाद, नेल्लोर, चेन्नईसह 40 हून अधिक ठिकाणी छापे टाकत आहे.
ED
ED Saam TV

Ed Raid over Excise Policy: अंमलबजावणी संचालनालयाच्या पथकाने दिल्लीत (Delhi) दारू घोटाळ्याप्रकरणी मोठी कारवाई केली आहे. ईडीने (ED) 6 राज्यांमध्ये 40 ठिकाणी छापे टाकले आहेत. बेंगळुरू, हैदराबाद, नेल्लोर, चेन्नईसह 40 हून अधिक ठिकाणी छापे टाकले जात आहेत. दिल्ली-एनसीआर, पंजाब, हरियाणा आणि यूपीमध्येही शोध सुरू आहेत. यासह हैदराबादमध्ये 20 ठिकाणी छापे टाकण्यात आले आहे. दिल्लीतील उत्पादन शुल्क धोरणातील अनियमितता संबंधित या धाडी असल्याची माहिती समोर आली आहे.

हे देखील पाहा -

यापूर्वीही ईडीने छापे टाकले होते

यापूर्वी, अंमलबजावणी संचालनालयाने (ईडी) 6 सप्टेंबर रोजी दिल्ली सरकारच्या उत्पादन शुल्क धोरण प्रकरणात अनेक ठिकाणी छापे टाकले होते. ईडीने दिल्ली, उत्तर प्रदेश, पंजाब, हरियाणा, तेलंगणा आणि महाराष्ट्र राज्यातील 30 ठिकाणी छापे टाकले होते.

ED
प्रकाश पाटील, वामन म्हात्रेंची कालच शिवसेनेकडून हकालपट्टी अन् काही तासांतच CM शिंदेंकडून मोठे 'गिफ्ट'

भाजपने आपवर भ्रष्टाचाराचे आरोप केले होते

भाजपने दिल्लीतील दारू धोरणाबाबत सत्ताधारी आम आदमी पार्टी (आप) वर भ्रष्टाचाराचे आरोप केले होते. या प्रकरणी सीबीआयने दिल्लीचे उपमुख्यमंत्री मनीष सिसोदिया यांच्या घरावर छापा टाकला. छाप्यानंतर मनीष सिसोदिया म्हणाले होते की छाप्यात काहीही सापडले नाही. त्यांनी आपल्यावरील आरोप फेटाळून लावले होते. भाजपवर हल्लाबोल करताना ते म्हणाले की, दिल्लीच्या शिक्षण आणि आरोग्याच्या उत्कृष्ट कामामुळे हे लोक त्रस्त आहेत. त्याचवेळी दिल्लीचे मुख्यमंत्री अरविंद केजरीवाल यांनीही सिसोदिया यांचा बचाव करताना भाजपवर हल्लाबोल केला.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com