Gujarat: फार्मा कंपनीस भीषण आग; अग्निशमन विभाग दाखल

गांधीनगर : गुजरात (gujarat) राज्यातील गांधीनगर जिल्ह्यातील कलोल येथील जीआयडीसीमधील एका फार्मा कंपनीस भीषण आग (fire) लागली आहे. घटनास्थळावरुन आकाशात माेठ्या प्रमाणात आगीचा धूर पसरल्याने परिसरात एकच खळबळ उडाली आहे. (kalol fire latest marathi news)

प्राथमिक माहितीनुसार, घटनेच्या वेळी कंपनीच्या परिसरात कामगार नव्हते. ही आग लागल्याचे समजतात गांधीनगर अग्निशमन विभागाचे कर्मचारी यंत्रणेसह आग विझविण्यासाठी दाखल झाले. सुमारे दहा कर्मचारी आग विझविण्यासाठी प्रयत्न करीत हाेते.

दरम्यान आगीवर नियंत्रण आणण्यात यश आले आहे. परंतु संपुर्णत: आग विझविल्यानंतर आतील भागात कर्मचारी हाेते की नाही हे स्पष्ट हाेईल असे अग्नीशमन विभागाच्या (fire brigade) कर्मचा-यांनी नमूद केले आहे.

Edited By : Siddharth Latkar