नवी दिल्ली: आम्हाला भारतात येऊ द्या, मला आणि माझ्या मुलांना जीवे मारण्याच्या धमक्या आहेत अशी आर्त मदतीची साद पंतप्रधान नरेंद्र मोदींना घातलीये. पाकव्याप्त जम्मू-काश्मीरमधील (POK) एका सामूहिक बलात्कार पीडित (Gangrape Victim) महिलेनं भारताकडे मदत मागितली आहे. या महिलेचा हा व्हिडिओ (Viral Video) सध्या सोशल मीडियावर व्हायरल होत आहे. ज्यात ती पंतप्रधान मोदींकडे (PM Modi) मदत मागताना दिसत आहे. मारिया ताहिर असं या बलात्कार पीडिच महिलेचं नाव असून २०१५ साली तिच्यावर काही नराधमांनी सामूहिक बलात्कार केला होता. या घटनेला तब्बल सात वर्षे उलटली तरीही त्या महिलेल्या न्याय मिळाला नाही, त्याउलट तिला आणि तिच्या मुलांच्या जीवाला धोका असल्याचा दावा करत तिला तिच्या मुलांसह भारतात येऊ द्यावे अशी मागणी तिने केली आहे. (Gang Rape Survivor From Pakistan-Occupied Kashmir Seeks PM Modi's Help)
हे देखील पहा -
मारिया ताहिर (Maria Tahir) या पीडितेनं मोदींना विनंती केली आहे की, "या व्हिडिओद्वारे, मी भारताचे पंतप्रधान नरेंद्र मोदी यांना आवाहन करत आहे की त्यांनी आम्हाला भारतात येण्याची परवानगी द्यावी. माझ्या आणि माझ्या मुलांच्या जीवाला धोका आहे. स्थानिक पोलिस आणि एक ज्येष्ठ राजकारणी चौधरी तारिक फारूख मला आणि माझ्या मुलांना कधीही मारतील असा दावा पाडितेनं केला आहे. तसेच आम्हाला आश्रय आणि संरक्षण देण्यासाठी पंतप्रधान मोदींना विनंती करू इच्छिते,” असं भावनिक आव्हान तिने मोदींना केलं आहे.
मारिया ताहिर यांच्यावर 2015 मध्ये झालेल्या या जघन्य गुन्ह्यात सहभागी असलेल्यांना शिक्षा व्हावी, असे आवाहन त्यांनी केले आहे. या गुन्ह्यातील आरोपी हारून रशीद, मामून रशीद, जमील शफी, वकास अश्रफ, सनम हारून आणि आणखी तिघांवर लैंगिक अत्याचार केल्याचा आरोप पीडितेने केला आहे. पण तिला सात वर्षांपासून न्याय मिळाला नसल्यानं तिनं थेट भारताकडे मदत मागितली आहे.
Edited By - Akshay Baisane
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.