गोव्यात काँग्रेसला मोठा झटका, नऊ आमदार भाजपमध्ये जाण्याची शक्यता

महाराष्ट्राच्या राजकीय नाट्यानंतर आता गोव्यातील काँग्रेस आमदारांमध्ये फूट पडण्याची शक्यता आहे.
Goa Congress
Goa CongressSaam Tv

पणजी: गेल्या काही दिवसांपासून महाराष्ट्रात सुरू असलेल्या सत्तानाट्याला अखेर पूर्णविराम मिळाला आहे. महाराष्ट्रातील सत्तानाट्यानंतर आता गोव्यातील काँग्रेस आमदारांमध्ये मोठी फूट पडण्याची शक्यता आहे. काँग्रेसचे नऊ आमदार भाजपमध्ये (BJP) प्रवेश करणार असल्याचे सांगण्यात येत आहे. काँग्रेसने मात्र या बातमीचे खंडन केले आहे. गोव्यात काँग्रेसचे ११ आमदार आहेत. ९ आमदार भाजपमध्ये गेल्यास काँग्रेसकडे (Congress) फक्त दोनच आमदार राहतील.

गोव्यात काँग्रेसचे अनेक आमदार फुटून भाजपमध्ये (BJP) येतील या बातमीचे काँग्रेसच्या प्रभारींनी खंडन केले आहे. या सर्व बातम्या अफवा असल्याचे काँग्रेस प्रभारी दिनेश गुंडू राव म्हणाले. पणजीतील एका हॉटेलमध्ये पक्षाच्या ११ आमदारांसोबत शनिवारी झालेल्या बैठकीचा या अंदाजाशी काहीही संबंध नसल्याचेही काँग्रेस नेत्यांनी सांगितले. सोमवारपासून सुरू होणाऱ्या विधिमंडळाच्या पावसाळी अधिवेशनापूर्वी ही बैठक झाली.

Goa Congress
Rain Alert: मुंबईत पुढचे दोन दिवस मुसळधार; १२ जुलैपर्यंत ऑरेंज अलर्ट

काँग्रेसमध्ये नव्याने निवडून आलेले ८ आमदार

'आमचे ११ पैकी ८ आमदार नवीन आहेत. फ्लोअर मॅनेजमेंटबाबत आज बैठक झाली. आमच्या ज्येष्ठ आमदारांनी नवीन आमदारांशी चर्चा केली आणि मला आशा आहे की सोमवारपासून काँग्रेस अपयशी ठरलेल्या या सरकारच्या विरोधात जनतेचे प्रश्न मांडेल, असं प्रदेश काँग्रेस अध्यक्ष अमित पाटकर म्हणाले.

Goa Congress
Ranbir Kapoor : १० वी पास झालेला कुटुंबातील मी पहिला सदस्य; रणबीरला दहावीत किती टक्के होते? पाहा

गोवा विधानसभा एकूण सदस्य संख्या ४०

सत्ताधारी भाजप आणि इतर २५

भाजप २०

मगोप २

अपक्ष ३

विरोधी काँग्रेस सह इतर १५

काँग्रेस ११

आप २

आरजी १

गोवा फॉरवर्ड पक्ष १

यापैकी ८ जण फुटण्याची शक्यता

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com