Government Employee Salary Hike: केंद्र सरकारी कर्मचाऱ्यांना आगामी काही दिवसांत आनंदवार्ता मिळण्याची शक्यता आहे. मीडिया रिपोर्ट्सनुसार, केंद्रीय कर्मचाऱ्यांच्या महागाई भत्त्यात (DA Hike) तीन ते चार टक्के वाढ होण्याची शक्यता आहे.
मार्च २०२३ मध्ये किरकोळ महागाई ६ टक्क्यांच्या उच्चांकी पातळीवरून कमी होऊन ५.६६ टक्क्यांपर्यंत आली आहे. मात्र, आरबीआयने निश्चित केलेल्या ४ टक्के लक्ष्यापासून अद्याप दूरच आहे. वाढती महागाई लक्षात घेऊन सरकार केंद्रीय कर्मचारी आणि निवृत्त कर्मचाऱ्यांना डीए आणि डीआर देतं.
याआधी केंद्रीय कर्मचाऱ्यांच्या महागाई भत्त्यात ४ टक्क्यांची वाढ करण्यात आली होती. ती वाढ १ जानेवारी २०२३ पासून लागू झाली होती. ४ टक्क्यांच्या वाढीनंतर केंद्र सरकारी कर्मचाऱ्यांचा डीए वाढून ४२ टक्क्यांपर्यंत पोहोचला आहे. सप्टेंबर २०२२ मध्ये महागाई भत्त्यात ४ टक्क्यांची वाढ करण्यात आली होती. ती वाढ जुलैपासून लागू करण्यात आली होती.
रिपोर्टनुसार, आता महागाई भत्त्यात ३ ते ४ टक्क्यांची वाढ होईल अशी अपेक्षा आहे. ती जुलैपासून लागू होईल. ताज्या आकडेवारीनुसार, केंद्र सरकारचे ४७.५८ लाख कर्मचारी आणि ६९.७६ लाख पेन्शनधारक आहेत. तसेच सरकार सीपीआय आणि आयडब्ल्यूच्या डेटानुसार महागाई भत्त्याचे (Dearness Allowance) दर निश्चित करतं.
दरवर्षी जानेवारी आणि जुलैमध्ये सुधारित डीए आणि डीआरमध्ये जाहीर करण्यात येतो. महागाई भत्ता सरकारी कर्मचाऱ्यांना दिला जातो. तर डीआर पेन्शनधारकांना दिला जातो. कर्मचाऱ्यांच्या मूळ वेतनाच्या आधारे डीए दिला जातो. तर डीआर हा मूळ निवृत्तीवेतनानुसार दिला जातो.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
