Google Layoff 2023 : एकीकडे संपूर्ण जगात मंदीचे सावट असताना आता गुगलची पॅरेंट कंपनी अल्फाबेटने कर्मचारी कपातीची घोषणा केली आहे. याचा सर्वाधिक परिणाम अमेरिकन कर्मचाऱ्यांवर होणार असल्याचे बोलले जात आहे. जगभरातील सहा टक्के नोकर कपात करण्याचा निर्णय गुगलनं घेतला आहे.
मायक्रोसॉफ्ट कंपनीनं आपल्या 10,000 कर्मचाऱ्यांना काढून टाकलं होतं. ही बातमी ताजी असतानाच अल्फाबेट कंपनीनं 12 हजार कर्मचाऱ्यांना काढून टाकण्याच्या तयारीत आहे. याबाबत कंपनीचे सीईओ सुंदर पिचाई (Sundar Pichai) यांनी कर्मचाऱ्यांना एक मेल पाठवला आहे.
"आम्ही घेतलेल्या निर्णयांची संपूर्ण जबाबदारी घेत. एकूण खर्चाचं नियोजन आणि पुढील तयारासाठी हा निर्णय घेण्यात आला आहे. नोकरीवरुन काढलेल्या सर्व कर्मचाऱ्यांना दोन महिन्यांचा नोटीस कालावधी असेल अथवा 60 दिवसांचा पगार दिला जाईल, अशी माहिती गुगलचे (Google) सीईओ सुंदर पिचाई यांनी कर्मचाऱ्यांना ईमेलवरुन दिली आहे.
जागतिक अर्थव्यवस्था आणि वाढत्या महागाईच्या पार्श्वभूमीवर मोठ्या टेक कंपन्यांनी कर्मचाऱ्यांना कामावरून काढण्याचा निर्णय घेतला आहे. नुकतेच मायक्रोसॉफ्टने 10,000 कर्मचाऱ्यांना काढून टाकण्याची घोषणा केली आहे. याशिवाय Amazon ने जवळपास 18000 कर्मचाऱ्यांना कामावरून काढण्याचा निर्णय घेतला आहे. यामध्ये सुमारे एक हजार भारतीय कर्मचाऱ्यांचाही समावेश आहे. या बातमीमुळे टेक्नॉलजी क्षेत्रात खळबळ उडाली होती. या बातम्या ताज्या असतानाच अल्फाबेट कंपनीनं 12 हजार कर्मचाऱ्यांना नारळ दिला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
