Google News : सध्या संपूर्ण जगात मंदी पसरली आहे. काही दिवसांपूर्वीच फेसबुक, ट्विटर अशा काही बड्या कंपन्यांनी आपले कर्मचारी कपात केले. आर्थिक मंदीचा फटका या बड्या कंपन्यांना देखील बसत आहे. त्यामुळे त्यांनी आपले कर्मचारी कपात केलेत. अशात आता Google ने देखील आपले कर्मचारी कमी केले आहेत. गूगल कंपनीने तब्बल ४५३ कर्मचाऱ्यांना काढून टाकले आहे. (Latest Google India News)
रात्री उशिरा दिली नोटीस
गूगल कर्मचाऱ्यांना गुरुवारी रात्री उशिरा एक नोटीस देऊन या बाबत माहिती देण्यात आली. गूगलने रात्रीचं ४५३ कर्मचाऱ्यांना कामावरून काढून टाकले. त्यामुळे एक मेल करत त्यांना ही माहिती देण्यात आली. गूगलचे वॉइस प्रेसिडेंट संजय गुप्ता यांच्या मार्फत हा मेल पाठवण्यात आला आहे. बिजनेस टुडे या वृ्त्त संस्थेने ही माहिती दिली आहे.
गूगलची सिस्टर कंपनी अल्फाबेटचे सीईओ सुंदर पिचाई यांच्या सहमतीनेच कर्मचारी कपात करण्यात आलेत, असं देखील मेलमध्ये म्हटलं आहे. सुंदर पिचाई यांनी हा निर्णय त्यांच्यावर घेतला आहे. त्यांनी कंपनीच्या दृष्टीने योग्यच निर्णय घेतल्याचं म्हटलं आहे.
२०२३ च्या सुरुवातीला गूगल कंपनीने अमेरिकेतील काही कर्मचाऱ्यांना कामावरून कमी केलं होतं. त्यानंतर त्यांनी काढलेल्या सर्व कर्मचाऱ्यांना नोकरीसाठी योग्य ते सहकार्य केलं जाईल असं म्हटलं होतं. आता फ्रेब्रुवारीमध्ये त्यांनी पुन्हा एकदा भारतातील कर्मचारी कपात केले आहेत.
अल्फाबेट या कंपनीने देखील काही दिवसांपूरर्वीच १२,००० कर्मचाऱ्यांना कमी केले जाणार असल्याचं म्हटलं होतं. त्यामुळे आता कमी झालेले ४५३ हे त्यापैकीच आहेत का असा प्रश्न उपस्थित झाला आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
