मुंबई : महाराष्ट्राची मदर टेरेसा आणि ज्येष्ठ समाजसेविका पद्मश्री सिंधूताई सपकाळ यांच्या निधनानंतर अवघ्या महाराष्ट्रासह देशातून त्यांना श्रद्धांजली अर्पण करण्यात आली. जगातील टॉप सर्च इंजिन कंपनी गुगलनेही (Google) सिंधूताईंना (Sindhutai Sapkal) श्रद्धांजली (Tribute) वाहिली आहे. "तुझ्या प्रेमाला बंधन नाही, माई" असं ट्विट गुगल इंडियाने केलं, तेही मराठी भाषेतून. (Sindhutai Sapkal Latest News In Marathi)
गुगलने सिंधुताईचा विकीपीडियावरील माहितीचा स्क्रीनशॉट शेयर केला आहे. ज्यात सिंधूताईंना ४ अपत्य आणि १५०० पेक्षा जास्त दत्तक घेतलेले अनाथ अपत्य असल्याचं हायलाईट करण्यात आलं आहे. सिंधूताईंनी आयुष्यभर अनाथांची सेवा करत त्यांचा मुलांप्रमाणे सांभाळ केला. त्यामुळेच गुगल सारख्या आंतरराष्ट्रीय कंपनीने त्यांना श्रद्धांजली वाहिली आहे. आपल्या ट्विटमध्ये गुगल कडून माईंबद्दल गौरवोद्गार काढण्यात आले आणि लिहिण्यात आलं की, "तुझ्या प्रेमाला बंधन नाही, माई" आशा आणि घर शोधणाऱ्या प्रत्येकासाठी तू एक उत्तर होतीस" असं ट्विट गुगलने केलयं.
पद्मश्री सिंधुताई सपकाळ यांचं पुण्यात ४ जानेवारी रोजी रात्री ८.१० वाजता त्यांचं हृदयविकाराच्या झटक्याने निधन झालं होतं. त्यानंतर ५ जानेवारीला त्यांच्यावर महानूभव पंथानूसार शासकीय इतमामात अंत्यसंस्कार करण्यात आले होते. त्यांच्या जाण्याने अनाथांची आई गेल्याची भावना अनेकांनी व्यक्त केली आहे. (You were the answer to everyone who searched for hope and a home Google Pays Tribute To Sindhutai Sapkal)
Edited By - Akshay Baisane
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
