गॅस लीक झाल्याचे कळले! सारे तिकडे धावले; तिथेच 6 जणांचा घात

गुजरात मधील सूरत येथे एका मोठ्या अपघाताची माहिती समोर आली
गॅस लीक झाल्याचे कळले! सारे तिकडे धावले; तिथेच  6 जणांचा घात
गॅस लीक झाल्याचे कळले! सारे तिकडे धावले; तिथेच 6 जणांचा घातSaam Tv

वृत्तसंस्था : गुजरात मधील (Gujarat) सूरत येथे (Surat) एका मोठ्या अपघाताची माहिती (Accident) समोर आली आहे. शहरातील सचिन भागात केमिकलने भरलेल्या टँकर मधून केमिकल लीक झाल्याने ६ जणांचा मृत्यू झाला आहे. या अपघातामध्ये २० हून अधिक मजुरांचा श्वास गुदमरल्यामुळे त्यांना सुरतच्या (Surat) सिव्हिल हॉस्पिटलमध्ये दाखल करण्यात आले आहे.

हे देखील पहा-

मिळालेल्या माहितीनुसार, ही घटना सचिन परिसरातील जीआयडीसी ची आहे. या परिसरामध्ये रासायनिक (Chemical) कारखाने आहेत. येथे टँकरमध्ये रसायनाची गळती झाली. यानंतर तेथे काम करणाऱ्या मजुरांचा विषारी वायूमुळे श्वास गुदमरला होता. हा वायू इतका विषारी होता की ६ जणांना जीव गमवावा लागला आहे. याबरोबरच अनेक मजुरांना उपचाराकरिता रुग्णालयामध्ये (Hospital) दाखल करण्यात आले आहे. जिथे त्याच्यावर उपचार सुरू आहेत.

गॅस लीक झाल्याचे कळले! सारे तिकडे धावले; तिथेच  6 जणांचा घात
Sangli Crime: २०० रुपयांसाठी सराईत गुंडाची लोखंडी सळईने गळ्यावर वार करत निर्घृण हत्या

मिळालेल्या माहितीनुसार, जीआयडीसीतील राजकमल चिकडी प्लॉट क्रमांक ३६२ च्या बाहेर १० मीटर अंतरावर उभ्या असलेल्या केमिकलच्या टँकरपासून काही अंतरावर मजूर झोपले होते. या घटनेमध्ये जखमी झालेल्या २० हून जास्त जणांवर सध्या उपचार सुरू आहेत. टँकरमधून रसायन टाकले जात असताना हा अपघात झाल्याची माहिती आहे. सध्या ८ जण व्हेंटिलेटरवर आहेत. एक टँकर चालक नाल्यात विषारी रसायन टाकत होता. यादरम्यान त्यामधून विषारी वायूची गळती सुरू झाली. वायू हवेच्या संपर्कात आला.

या प्रकरणाची माहिती मिळताच पोलीस घटनास्थळी दाखल झाले होते. सध्या पोलीस या प्रकरणाचा अधिक तपास करत आहेत. या अपघातात जखमींना तातडीने रुग्णालयामध्ये दाखल करण्यात येत आहे. अपघाताचे माहिती मिळताच आजूबाजूच्या परिसरात भीतीचे वातावरण निर्माण झाले आहे.

Edited By- Digambar Jadhav

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.