Throwing Currency Notes : सोशल मीडियावर नेहमीच अनेक चकित करणारे व्हिडिओ व्हायरल होत असतात. काही तरुण मंडळी यामध्ये अतरंगीपणा करताना दिसतात. तरुणांच्या स्टंटबाजीचे अनेक व्हिडिओ आजवर व्हायरल झाले आहेत. कारमध्ये रील व्हिडिओ बनवण्यासाठी तरुण मुलं काय करतील याचा काही नेम नाही. सध्या सोशल मीडियावर अशाच अतरंगी तरुणांचा एक व्हिडिओ जोरदार व्हायरल झाला आहे. (Haryana Gurugram)
व्हायरल होत असलेल्या व्हिडिओमध्ये एक तरुण चालत्या कारमधून रस्त्यावर नोटा फेकत आहे. त्याचा हा व्हिडिओ सोशल मीडियावर वाऱ्याच्या वेगाने पसरलाय. या व्हिडिओतील तरुणावर आता पोलिसांनी देखील कारवाई केली आहे.
पोलिसांनी दिलेल्या माहितीनुसार, तरुणाचा हा व्हिडिओ व्हायरल झाल्यावर त्या तरुणाचा लगेच शोध सुरू झाला. व्हिडिओमध्ये कारचा नंबर दिसत असल्याने पोलिसांना या तरुणाला पकडता आलं आहे. कार आणि त्यात असलेल्या दोन तरुणांना पोलिसांनी अटक केली आहे.
रील व्हिडिओसाठी फेकल्या नोटा
पोलिसांच्या म्हणण्यानुसार, या तरुणाला एक रील व्हिडिओ शूट करायचा होता. त्यासाठी त्याने बनावट नोटा फेकल्या आहेत. बॉलिवूड अभिनेता शाहिद कपूरची 'फर्जी' ही वेब सीरिज तुमच्या पैकी काहींनी पाहिलीच असेल. यात देखील असाच एक सीन दाखवण्यात आला आहे.
यात शाहिदचा एक मित्र अशाच प्रकारे चालत्या कारमधून नोटा फेकत होता. त्यावेळी पोलिसांच्या तावडीतून तो निसटतो. या तरुणांनी देखील त्यांच्या एका यूट्युब चॅनलसाठी हा व्हिडिओ शूट केला होता. मात्र हे दोन्ही तरुण आता पोलिसांच्या अटकेत आहेत. त्यांच्यावर गुन्हा दाखल करण्यात आला आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.