वानखडे यांना धक्का; आर्यन खान प्रकरणात NCB च्या तपासावर हायकोर्टाचे प्रश्नचिन्ह!
Aryan Khan | Sameer Wankhede SaamTvNews

वानखडे यांना धक्का; आर्यन खान प्रकरणात NCB च्या तपासावर हायकोर्टाचे प्रश्नचिन्ह!

आर्यनच्या चॅटमध्ये अरबाज मर्चंट व मुनमुन धमेचा यांच्यात पार्टीत अंमली पदार्था नेण्यासंदर्भात कोणतेही चर्चा आढळून आली नसल्याचे हायकोर्टाने आदेशात म्हटले आहे.

मुंबई : क्रूझ ड्रग्ज प्रकरणात आर्यन खान, अरबाज मर्चंट आणि मुनमुन धमेचा यांच्यावर NCB कडून कारवाई करण्यात आली होती. याच प्रकरणात बॉलिवूड अभिनेता शाहरुख खान याचा मुलगा आर्यन खान यास जवळपास महिनाभर कोठडीत राहावे लागले होते. हाय प्रोफाईल अश्या या प्रकरणावरून राज्यात मोठे राजकारण तापले ज्याची धग अजूनही जाणवतच आहे.

हे देखील पहा :

याच प्रकरणात आता हायकोर्टाकडून NCB चे विभागीय संचालक समीर वानखेडे यांना जोरदार दणका मिळाला आहे. ज्या चॅट च्या आधारावर आर्यन खान सह इतरांवर कारवाई करण्यात आली होती त्या आर्यनच्या चॅटमध्ये अरबाज मर्चंट व मुनमुन धमेचा यांच्यात पार्टीत अंमली पदार्था नेण्यासंदर्भात कोणतेही चर्चा आढळून आली नसल्याचे हायकोर्टाने आदेशात म्हटले आहे.

NCB आर्यन खान, अरबाज मर्चंट आणि मुनमुन धमेचा यांच्या कथित कबुली जबाबावर विसंबून राहू शकत नाही सर्वोच्च न्यायालयाच्या निकालानुसार, अशी विधाने पुराव्यात अमान्य असल्याचे मत मुंबई उच्च न्यायालयाने व्यक्त केले आहे.

Aryan Khan | Sameer Wankhede
Viral Video : राजस्थानमध्ये महिलेच्या अंगावर JCB चढवून ठार मारण्याचा प्रयत्न!

NCB ने या तीनही जणांवर कट रचल्याचे कलम लावले होते. मात्र, अरबाज मर्चंट आणि मुनमुन धमेचा यांच्यात अंमली पदार्थांशी संबंधित गुन्हे करण्याचा कट रचल्याचा कोणताही सकारात्मक पुरावा नाही, असे मुंबई उच्च न्यायालयाने आज जारी केलेल्या आदेशात म्हटले आहे व त्यांना जामीन मंजूर करण्याचे कारण सांगितले आहे.

तसेच आर्यन खान, अरबाज मर्चंट आणि मुनमुन धमेचा यांची वैद्यकीय तपासणीही करण्यात आली नाही, जेणेकरुन संबंधित वेळी त्यांनी अंमली पदार्थांचे सेवन केले होते की नाही, असे निरीक्षण मुंबई उच्च न्यायालयाने जामीन आदेशात नोंदवले आहे. या तिघांविरोधात एनसीबीकडे ठोस पुरावे नसल्याचे निरीक्षणही न्यायालयाने नोंदवले आहे.

Edited By : Krushnarav Sathe

Related Stories

No stories found.
Latest and Breaking News in Marathi | Live Marathi News Updates | live tv streaming in Marathi | Saam TV
www.saamtv.com