दुर्देवी घटना! चालकाचं नियंत्रण सुटलं अन् प्रवाशांनी भरलेली बस थेट दरीत कोसळली!

या दुर्देवी घटनेत एका महिलेचा जागीच मृत्यू झाला
HRTC Bus Accident In Shilma
HRTC Bus Accident In ShilmaSaam Tv

शिमला : हिमाचल प्रदेशची राजधानी म्हणून ओळखल्या जाणाऱ्या शिमला शहराजवळ एक भयंकर दुर्घटना घडली. शिमला येथे प्रवाशांनी भरलेली बस अचानक दरीत कोसळली. या दुर्देवी घटनेत एका महिलेचा जागीच मृत्यू झाला असून 20 हून अधिक प्रवासी जखमी झाले आहेत. घटनेची माहिती मिळताच पोलिसांनी तातडीने घटनास्थळ गाठत बचावकार्य सुरू केलं आहे. (HRTC Bus Accident In Shilma)

HRTC Bus Accident In Shilma
Mumbai Crime : १९ वर्षीय तरुणाकडून पॉर्नचं जाळं; २२ महिलांसोबत केलं धक्कादायक कृत्य

मिळालेल्या माहितीनुसार, हिमाचल रोड ट्रान्सपोर्ट कॉर्पोरेशनची बस प्रवाशांना घेऊन नागरोटा (कांगडा) येथून शिमल्याकडे येत होती. बसमध्ये 20 ते 23 जण प्रवासी होते. बस हिरा नगर परिसरात एका घाटात आली असता, चालकाचे बसवरील नियंत्रण सुटलं आणि बस थेट 100 फूट खोल दरीत कोसळली.

या दुर्देवी घटनेत बसमधील एका प्रवासी महिलेचा जागीच मृत्यू झाला. तर 20 हून अधिक प्रवासी जखमी झाले. घटनेची माहिती मिळताच पोलिसांनी तातडीने घटनास्थळी धाव घेतली. स्थानिक नागरिकांच्या मदतीने जखमींना बाहेर काढून तातडीने रुग्णालयात दाखल करण्यात आलं. जखमीपैकी दोघांची प्रकृती चिंताजनक असल्याची माहिती आहे. (Bus Accident Latest News)

HRTC Bus Accident In Shilma
धक्कादायक! प्रियकराने दिला धोका, प्रेयसीने त्याच्या वडिलांशीच केलं लग्न

गेल्या काही दिवसांपासून शिमला परिसरात अपघातांचे प्रमाण वाढलं आहे. मंगळवारी देखील शिमल्यात पिकअप व्हॅन दरीत कोसळली होती. या घटनेत एकाचा मृत्यू झाला होता. शिमला मंडी येथे सफरचंद उतरवून पिकअप व्हॅन परतत होती. या अपघातात अन्य दोन तरुणही जखमी झाले होते.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com