नवऱ्याने कपाटात ठेवलेली दारू बायकोनं संपवली; त्यानंतर घडलं भयंकर

याप्रकरणी पोलिसांनी आरोपी नवऱ्याला अटक केली आहे.
Uttar Pradesh Crime News
Uttar Pradesh Crime NewsSaam TV

उन्‍नाव : नवरा-बायकोमध्ये (Husband-Wife) अनेकदा वेगवेगळ्या कारणावरून भांडणं होतात. अनेकदा हे वाद विकोपाला जातात. त्यानंतर मात्र विपरित (Crime) घडतं. असाच एक प्रकार उत्तरप्रदेशातून (Uttar Pradesh) समोर आला आहे. उत्तरप्रदेशातील उन्नाव शहरात नवरा आणि बायकोमध्ये विचित्र कारणावरून वाद झाला. घरात स्टॉक करून ठेवलेली दारू बायकोने संपवली म्हणून नवऱ्याने चक्क बायकोचा काटा काढला. मृतदेहाची विल्हेवाट लावत असताना पोलिसांनी त्याला अटक केली. (Uttar Pradesh Crime News)

Uttar Pradesh Crime News
Eknath Shinde : खातेवाटपावरून एकनाथ शिंदेंचं स्पष्टीकरण; म्हणाले, चांगलं खातं...

नेमकं काय घडलं?

उत्तरप्रदेशातील उन्नाव शहरातील प्रेमनगर परिसरातून हा धक्कादायक प्रकार उघडकीस आला. नवऱ्याने घरात स्टॉक करून ठेवलेली दारू बायकोनं संपवली. ही गोष्ट लक्षात येताच नवऱ्याने बायकोला बेदम मारहाण केली. या मारहाणीत बायकोचा मृत्यू झाला. बायकोच्या मृतदेहाची विल्हेवाट लावण्याचा नवऱ्याचा प्रयत्न होता. मात्र पोलिसांनी त्याला बेड्या ठोकल्या.

योगेंद्र तिवारी असं अटक करण्यात आलेल्या आरोपीचे नाव आहे. तर पिंकी गुप्ता असं मृत महिलेचं नाव आहे. प्राप्त माहितीनुसार, योगेंद्र आणि पिंकीचा ५ वर्षापूर्वी विवाह झाला होता. योगेंद्र हा रिक्षा चालक असून तो प्रेमनगर येथील गौसिया मशिदीजवळ राहतो. (Uttar Pradesh Unnav News)

Uttar Pradesh Crime News
Dhananjay Munde : 'त्या' चकमकीनंतर आमची मैत्री झाली; धनंजय मुंडेंनी सांगितली मेटेंची आठवण

शुक्रवारी रात्री कामावरून योगेंद्र उशीरा घरी पोहचला. यावेळी दारू पिण्यासाठी त्याने घरातील कपाट उघडलं. तेव्हा कपाटात ठेवलेल्या दारूच्या बाटल्या त्याला रिकाम्या दिसल्या. यावरून पिंकीला विचारलं असता, सगळी दारू मी पिऊन टाकली असल्याचं तिनं कबूल केलं.

दरम्यान, दोघांमध्ये जोरदार भांडण झालं. रागाच्या भरात योगेंद्र याने पिंकीला बेदम मारहाण केली, त्याने पिंकीचे डोकं भिंतीवर आपटले. यात तिच्या डोक्याला गंभीर दुखापत झाली आणि त्यातच तिचा मृत्यू झाला. योगेंद्र याने पिकींच्या मृतदेहाची विल्हेवाट लावण्याचा प्रयत्न केला. मात्र, पोलिसांनी त्याला अटक केली. या घटनेनंतर परिसरात मोठी खळबळ उडाली आहे.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com