Hyderabad News: दीड महिन्यापूर्वी जन्माला आलेल्या मुलाचा घरात आनंद असतानाच वादामध्ये पतीसोबत केलेली मस्करी महागात पडली आणि होत्याच नव्हत झालं. हैदराबादमधील (Hyderabad) अब्दुल्लापुरममध्ये ही घटना घडलीये. पत्नीकडून होत असलेल्या एका विधानानंतर संतापलेल्या पतीने कुऱ्हाडीने पत्नीचे तुकडे केले. तो इतक्यावरच थांबला नाही, तर त्याने दीड महिन्याच्या बाळालाही संपवलं. या घटनेने सर्वत्र खळबळ माजली आहे.
याबाबत अधिक माहिती अशी की, धनराज आणि लावण्या नावाचे हे पती-पत्नी मजुरी करायचे. आणि मागील काही दिवसांपासून दोघांमध्ये कडाक्याचे भांडण झाले होते. त्यामुळे ती तिच्या माहेरी गेली होती. धनराज त्याच्या पत्नीवर रागवण्याचे कारण म्हणजे ती त्याला वारंवार हे मुल तुझ नाही, म्हणत चिडवत होती. तिच्या या टोमण्यामुळेच धनराज तिच्यावर प्रचंड संतापला होता.
याच रागाच्या भरात पती धनराजने आधी पत्नी लावण्यावर बिअर बॉटलने हल्ला केला. त्यानंतर कुऱ्हाडीने वार केले. तो इतक्यावरच थांबला नाही, तर त्याने दीड महिन्याच्या बाळालाही संपवलं. हे हत्याकांड दुपारी 1.30 वाजता घडलं. आरोपी धनराज हत्या करून फरार झाला, मात्र पोलिसांनी तपासाची चक्र फिरवत लगेच त्याला अटक केली. त्याच्याजवळ रक्ताने माखलेले कपडे पोलिसांना मिळाले.
पोलिसांनी सांगितलं की, या घटनेमुळे गावात प्रचंड खळबळ उडाली आहे. ज्यादिवशी घटना घडली त्यादिवशी या दाम्पत्याच्या मोठ्या मुलीने आईला मारहाण करताना बघितलं. त्यानंतर ती मदतीसाठी आरडाओरड करू लागली. जेव्हा आजूबाजूचे लोक गोळा झाले, तोपर्यंत धनराज घरातून फरार झाला होता. दरम्यान, आरोपीविरुद्ध हुंडा प्रतिबंधक कायद्यातील कलमान्वयेही गुन्हा दाखल करण्यात आला आहे. (Latest Marathi News)
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
