हैद्राबाद - इंटरनेटवर बहुतेक लोकांना अन्नाशी संबंधित गोष्टी पाहणे आवडते. गोड पदार्थ असो किंवा चटपटी पाणी पुरी आपली नजर नेहमीच त्यावर असते. आपल्याला सोशल मीडियावर नवनवीन खाद्यपदार्थ अनेकदा पाहायला मिळतात. आतापर्यंत तुम्ही सोन्याच्या मिठाईबद्दल ऐकले असेलच, पण आता बाजारात गोल्ड प्लेटेड आईसस्क्रीम (Ice Cream) देखील आली आहे. अनेकदा सोन्याचं नाव ऐकलं की आपल्या मनात सोनायचे दागिने येतात. पण तुम्हाला 24 कॅरेट सोन्यापासून (Gold) बनवलेल्या आईसस्क्रीमबद्दल सांगितलं तर तुम्ही नक्कीच गोंधळून जाल. (Hyderabad ice cream store serves 24 carat gold ice cream)
हिवाळ्यात आईसस्क्रीमप्रेमींना २४ कॅरेट सोन्याचे आईसस्क्रीम खाण्याची संधी मिळत आहे. फूड ब्लॉगर अभिनव जेसवानी यांनी या आइस्क्रीमचा व्हिडिओ इन्स्टाग्रामवर पोस्ट केला आहे. त्यानंतर सोनायच्या आईसस्क्रीमचा व्हिडिओ सोशल मीडियावर चांगलाच व्हायरल होत आहे. या व्हिडिओमध्ये एक व्यक्ती हे गोल्ड प्लेटेड आईसस्क्रीम बनवताना दिसत आहे. व्हिडिओची सुरुवात चॉकलेट कोनमध्ये आईस्क्रीम टाकण्यापासून होते. मग त्यानंतर हा माणूस त्यावर सोन्याचा वर्ख ठेवतो आणि त्यावर चेरी टाकतो.
अभिनव जेसवानीनं जस्ट नागपूर थिंग्स नावाच्या त्याच्या इंगटग्राम हँडलवर हा व्हिडिओ पोस्ट केला आहे. हे 24K गोल्ड आईसस्क्रीम हैदराबादमधल्या Huber & Holly नावाच्या कॅफेतलं आहे. आजपर्यंत मी असं आईस्क्रीम कुठंही खाल्लेलं नाही. तुम्ही पण एकदा नक्की खाऊन बघा. या आईसस्क्रीमची किंमत 500 रुपये असून त्यावर अतिरिक्त कर आकारला जातो. असे कॅप्शन त्याने या व्हिडिओला दिले आहे.
Edited By - Shivani Tichkule
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.