India Corona Cases: देशात 24 तासात 1 लाख 79 हजार नवे कोरोना रुग्ण, 146 जणांचा मृत्यू

भारतात गेल्या 24 तासात कोरोनाचे 1,79,723 नवे रुग्ण आढळून आले आहेत. तर, गेल्या 24 तासात 146 जणांचा मृत्यू झाला आहे.
India Corona Cases: देशात 24 तासात 1 लाख 79 हजार नवे कोरोना रुग्ण, 146 जणांचा मृत्यू
India Corona CasesSaam Tv

India Corona Cases: नवी दिल्ली: भारतात गेल्या 24 तासात कोरोनाचे 1,79,723 नवे रुग्ण आढळून आले आहेत. तर, गेल्या 24 तासात 146 जणांचा मृत्यू झाला आहे. केंद्रीय आरोग्य मंत्रालयाच्या ताज्या आकडेवारीनुसार, या कालावधीत 46,569 जण संसर्गातून बरे झाले आहेत. संसर्गाची नवीन प्रकरणे रविवारच्या तुलनेत 12.6 टक्क्यांनी जास्त आहेत (India Corona Cases Update Reports 1,79,723 New Cases And 146 Deaths In Last 24 Hours).

India Corona Cases
Corona's entry in Supreme Court : राजधानी दिल्लीत कोरोनाचा हाहाकार, सुप्रीम कोर्टात150 जण कोरोना पॉजिटिव

सध्या देशातील एकूण कोरोना (Corona) रुग्णांची संख्या 3,57,07,727 झाली आहे. ज्यामध्ये सुमारे 3.45 कोटी लोक बरे झाले आहेत. देशातील पुनर्प्राप्ती दर सध्या 96.62 टक्के आहे. तर, नवीन प्रकरणांनंतर, सक्रिय रुग्णां संख्या वाढून 7,23,619 झाली आहे, जी संसर्गाच्या एकूण रुग्णांच्या 2.03 टक्के आहे.

सर्वाधिक रुग्ण महाराष्ट्रात

आरोग्य मंत्रालयाच्या म्हणण्यानुसार, देशात कोव्हिड-19 मुळे आतापर्यंत 4,83,936 जणांचा मृत्यू झाला आहे. जे आतापर्यंत आढळलेल्या एकूण रुग्णांपैकी 1.36 टक्के आहे. देशातील केवळ 5 राज्यांमधून 64.72 टक्के नवीन प्रकरणे नोंदवली गेली आहेत. त्यापैकी महाराष्ट्रात सर्वाधिक 44,388, पश्चिम बंगालमध्ये 24,287, दिल्लीत 22,751, तामिळनाडूमध्ये 12,895 आणि कर्नाटकमध्ये 12,000 प्रकरणे नोंदवण्यात आली आहेत. नवीन प्रकरणांपैकी 24.7 टक्के एकट्या महाराष्ट्रात आहेत.

India Corona Cases
Maharashtra Corona Update: चिंता वाढली! राज्यात ४४,३८८ नव्या रुग्णांची नोंद

नवीन रुग्णांमध्ये सकारात्मकता दर 13.29 टक्के नोंदवला गेला. तर, साप्ताहिक सकारात्मकता दर सध्या 7.92 टक्के आहे. इंडियन काऊन्सिल ऑफ मेडिकल रिसर्च (ICMR) नुसार, रविवारी देशभरात 13.52 लाख नमुन्यांची चाचणी घेण्यात आली. देशात महामारी सुरु झाल्यापासून आतापर्यंत 69.16 कोटींहून अधिक नमुन्यांची चाचणी करण्यात आली आहे.

ओमिक्रॉनची लागण झालेल्यांची संख्या 4 हजारांवर

देशात कोव्हिड-19 च्या ओमिक्रॉन या नवीन प्रकाराने संक्रमित लोकांची संख्या देखील वेगाने पसरत आहे. आरोग्य मंत्रालयाच्या आकडेवारीनुसार, या व्हेरिएंटच्या 4,033 रुग्णांची नोंद करण्यात आली आहे. ज्यामध्ये 1,552 लोक बरेही झाले आहेत.

ओमिक्रॉनचे सर्वाधिक रुग्ण महाराष्ट्रात

ओमिक्रॉनची लागण झालेल्यांची सर्वाधिक संख्या महाराष्ट्रात 1,216, राजस्थानमध्ये 529, दिल्लीत 513, कर्नाटकात 441, केरळमध्ये 333, गुजरातमध्ये 236 आहे. आतापर्यंत, देशातील 27 राज्ये आणि केंद्रशासित प्रदेशांमध्ये ओमिक्रॉनच्या रुग्णांची नोंद करण्यात आली आहेत. रविवारी ओमिक्रॉनच्या 410 नवीन रुग्णांची नोंद करण्यात आली आहे.

Edited By - Nupur Uppal

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.