India Corona Updates: देशात 24 तासांत 3,993 नवीन रुग्णांची नोंद; 108 जणांचा मृत्यू

भारतात एका दिवसात कोविड-19 (Covid-19) ची 3,993 नवीन प्रकरणे आढळून आली आहेत, जी गेल्या 662 दिवसांतील संसर्गाची सर्वात कमी संख्या आहे.
India Corona Updates
India Corona UpdatesSaam Tv

नवी दिल्ली: भारतात एका दिवसात कोविड-19 (Covid-19) ची 3,993 नवीन प्रकरणे आढळून आली आहेत, जी 662 दिवसांतील संसर्गाची सर्वात कमी संख्या आहे. यासह, कोरोनाच्या एकूण रुग्णांची संख्या 4,29,71,308 वर पोहोचली आहे, तर उपचार घेत असलेल्या रुग्णांची संख्या 49,948 वर आली आहे. मंगळवारी सकाळी 8 वाजेपर्यंत केंद्रीय आरोग्य मंत्रालयाच्या (Union Ministry Of Health) अद्ययावत आकडेवारीनुसार, 108 रुग्णांचा मृत्यू झाल्यामुळे मृतांची संख्या 5,15,210 वर पोहोचली आहे.

तर, उपचाराधीन रुग्णांची संख्या कोरोनाच्या एकूण प्रकरणांपैकी 0.12 टक्के आहे, तर कोविड-19 मधून बरे होण्याचा राष्ट्रीय दर 98.68 टक्के आहे. आकडेवारीनुसार, गेल्या 24 तासांत कोविड-19 वर उपचार घेत असलेल्या रुग्णांच्या संख्येत 4,170 रुग्णांची घट नोंदवण्यात आली आहे. संसर्गाचा दैनंदिन दर 0.46 टक्के नोंदवला गेला तर साप्ताहिक संसर्ग दर 0.68 टक्के नोंदवला गेला.

या आजारातून बरे होणाऱ्यांची संख्या 4,24,06,150 झाली असून मृत्यूदर 1.20 टक्के नोंदवला गेला आहे. देशव्यापी अँटी-कोविड-19 लसीकरण मोहिमेअंतर्गत (Vaccination Drive), आतापर्यंत 179.13 कोटी डोस देण्यात आले आहेत. उल्लेखनीय आहे की, 7 ऑगस्ट 2020 रोजी देशात बाधितांची संख्या 20 लाख, 23 ऑगस्ट 2020 रोजी 30 लाख आणि 5 सप्टेंबर 2020 रोजी 40 लाखांहून अधिक झाली होती.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com