'मला मजा येत नाही' असे लिहून पठ्ठ्यानं दिला राजीनामा; मजेशीर पत्र व्हायरल

हे गंमतीशीर राजीनामा पत्र सोशल मीडियावर चांगलंचं व्हायरल होतं आहे.
Viral Resignation Letter, funny resignation letter
Viral Resignation Letter, funny resignation letterSaam Tv

Viral Resignation Letter: आजच्या काळात, लोकांसाठी पैसे कमवण्यापेक्षा नोकरीचे समाधान महत्त्वाचे आहे. म्हणजेच नोकरीत मिळणारे समाधान, आनंद आणि शांती. अनेक लोक नोकरीमुळे इतके त्रस्त होतात की ते डिप्रेशनमध्ये जातात. नोकरी सोडण्याचे धाडस करणारे कमी लोक असतात, कारण नोकरीशिवाय उदरनिर्वाह करणे कठीण असते. (funny resignation letter)

एखाद्या कंपनीतून, संस्थेतून आपल्या पदाचा राजीनामा देणं ही एक नॉर्मल गोष्ट आहे. राजीनामा देण्यासाठी एक पत्र लिहावं लागतं. जिथं आपण काम करतो त्याठिकाणी आपल्या वरिष्ठांना आपण संबंधीत कंपनी, संबंधीत संस्था अथवा राजकारणात पक्षाचा जरी राजीनामा द्यायचा असेल तर शक्यतो त्यासाठीचं कारण हे आपल्या राजीनामा पत्राद्वारे सांगावं लागतं. जर ते कारण आपल्याला सांगायचं नसेल तरी तसा उल्लेख करावा लागतो. यासाठी ४ ते ५ ओळींचं राजीनामा पत्र लिहीलं जातं. पण, एका पठ्ठ्यानं केवळ १ ओळीमध्ये आपला राजीनामा दिला आहे. हे गंमतीशीर राजीनामा (Resignation) पत्र सोशल मीडियावर चांगलंचं व्हायरल (Viral) होतं आहे.

उद्योगपती हर्ष गोएंका सोशल मीडियावर अनेकदा विचित्र पोस्ट शेअर करत असतात. त्याच्या अनेक पोस्ट व्हायरल होतात. अलीकडेच त्यांनी एक फोटो शेअर केला आहे जो राजेश नावाच्या व्यक्तीने ऑफिसमध्ये दिलेला राजीनाम्याचा आहे. साधारणपणे ऑफिसमध्ये पद्धतशीर आणि ठराविक पद्धतीच्या आधारे राजीनामे दिले जातात. पण हर्षने जो फोटो शेअर केला आहे, त्यात त्या व्यक्तीने तो डिझाईन करत असल्याचं अगदी सोप्या शब्दात कारण सांगितलं आहे. राजीनाम्यात राजेश लिहीतो,” प्रिय सर, मी राजीनामा देतोय,मजा येत नाहीये!” या पत्रावर 18 जूनची तारीख आहे. हा विचित्र राजीनामा पाहून लोक आश्चर्यचकित झाले आहेत.

Viral Resignation Letter, funny resignation letter
पावसाळ्यात ट्रेकिंगला जाण्याचा विचार करताय तर या टिप्स फॉलो करा

दरम्यान, काही दिवसांपूर्वी एका पठ्ठ्यानं केवळ ३ शब्दांत आपला राजीनामा दिल्याचे पत्र व्हायरल झाले होते. 'Bye Bye Sir' असे कारण देत त्याने आपल्या नोकरीला लाथ मारली आहे. तीन शब्दांचा हा राजीनामा कदाचित जगातला सर्वात लहान आणि कमी शब्दांचा राजीनामा असावा.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com