जहांगीरपुरी हिंसाचारावर कोर्ट म्हणाले- दिल्ली पोलिस 'पूर्णपणे अपयशी'

हनुमान जन्मोत्सवादरम्यान जहांगीरपुरी येथे झालेल्या हिंसाचाराच्या प्रकरणाची सोमवारी दिल्ली न्यायालयात सुनावणी झाली
Jahangirpuri Violence
Jahangirpuri ViolenceSaam Tv

जहांगीरपुरी: हनुमान जन्मोत्सवादरम्यान जहांगीरपुरी येथे झालेल्या हिंसाचाराच्या (violence) प्रकरणाची सोमवारी दिल्ली (Delhi) न्यायालयात (court) सुनावणी झाली. अनधिकृत मिरवणूक रोखण्यात दिल्ली पोलीस पूर्णपणे अपयशी ठरल्याचे न्यायालयाने म्हटले आहे. जामीनासाठी अनेक याचिका फेटाळताना न्यायालयाने हे सांगितले आहे की, या मिरवणुकीदरम्यान परिसरात जातीय हिंसाचार उसळला आहे.

हे देखील पाहा-

न्यायालयाच्या म्हणण्यानुसार या प्रकरणाकडे वरिष्ठ अधिकाऱ्यांचे पूर्णपणे दुर्लक्ष झाले असून यात पोलिसांचा (police) हातखंडा असेल तर त्याची चौकशी होणे गरजेचे आहे. अतिरिक्त सत्र न्यायाधीश गगनदीप सिंग म्हणाले आहे की, "वरिष्ठ अधिकाऱ्यांनी या प्रकरणाकडे दुर्लक्ष केल्याचे दिसते. भविष्यात अशी कोणतीही घटना घडू नये यासाठी संबंधित अधिकाऱ्यांवर जबाबदारी निश्चित करावी.

पोलिसांची भूमिका समाधानकारक नाही- न्यायालय

न्यायमूर्ती गगनदीप सिंग यांनी बेकायदेशीर कारवाया रोखण्यात पोलिसांची भूमिका ‘समाधानकारक नाही’ असे म्हटले आणि त्यांचा काही सहभाग असेल तर त्याचीही चौकशी व्हायला हवी. ७ मे रोजी दिलेल्या आदेशाची प्रत पोलीस आयुक्तांना माहिती व उपाययोजना करण्यासाठी पाठवावी, असे निर्देश न्यायालयाने दिले.

Jahangirpuri Violence
कोरोनाचा 'सुपर स्पीड'! देशात गेल्या २४ तासांत ३२०७ नवे रुग्ण; २९ जणांचा मृत्यू

न्यायमूर्ती गगनदीप सिंह म्हणाले, "राज्याने हे मान्य करणे योग्य आहे की शेवटची मिरवणूक बेकायदेशीर होती आणि त्यासाठी पोलिसांची पूर्वपरवानगी घेण्यात आली नाही." १६ एप्रिलला हनुमान जयंतीच्या दिवशी झालेल्या घडामोडी आणि दंगल रोखण्यासाठी आणि कायदा व सुव्यवस्था राखण्यात स्थानिक प्रशासनाची भूमिका याची चौकशी करण्याची गरज असल्याचे न्यायालयाने म्हटले आहे.

Edited By- Digambar Jadhav

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com