जम्मू-काश्मीरमध्ये पुन्हा दहशतवादी हल्ला; २ परप्रांतीय मजुरांवर गोळीबार, एकाचा मृत्यू

या गोळीबारात वीटभट्टीवर काम करत असलेल्या एका मजूराचा मृत्यू झाला
Jammu and Kashmir Attack
Jammu and Kashmir AttackSaam Tv

श्रीनगर : जम्मू-काश्मीरमध्ये (Jammu-Kashmir) सर्वसामान्यांवर होणारे दहशतवादी हल्ले थांबण्याचे नाव घेत नाहीत. गुरुवारी सकाळी दहशतवाद्यांनी (Terrorist Attack) एका बँक कर्मचाऱ्याची हत्या केल्याची घटना समोर आली होती. आता बडगाममध्ये (Budgam) परप्रांतीय मजुरांवर दहशतवाद्यांनी गोळीबार केला. या गोळीबारात एका मजुराचा जागीच मृत्यू झाला तर एक मजूर गंभीर जखमी झाला आहे. जखमी झालेल्या मजुरावर रुग्णालयात उपचार सुरू आहेत. (Jammu and Kashmir Latest Marathi News)

Jammu and Kashmir Attack
धावत्या एक्स्प्रेसमध्ये विवाहित महिलेवर सामूहिक बलात्कार, तिकिट नसल्याने AC कोचमध्ये नेले

मिळालेल्या माहितीनुसार, बडगाम मगरेपोरा चडूरा भागात अचानक दहशतवाद्यांनी गोळीबार केला. या गोळीबारात वीटभट्टीवर काम करत असलेल्या एका मजूराचा मृत्यू झाला तर एक जण गंभीर जखमी झाला. दिलखुश असं मृत्युमुखी पडलेल्या मजुराचे नाव असून तो बिहार येथील रहिवाशी असल्याची माहिती आहे. दुसरीकडे, राजन असे दुसऱ्या मजुराचे नाव असून, तो पंजाबचा रहिवासी आहे.

काश्मीरमध्ये गेल्या काही दिवसांपासून गैर-काश्मिरी किंवा हिंदू नागरिकांची निवडक हत्या केली जात आहे. गेल्या महिन्यात अशा तीन घटना घडल्या होत्या. विशेष म्हणजे गुरूवारी दहशतवाद्यांनी कुलगाममध्ये एका बँक मॅनेजरवर गोळीबार केला. या हल्ल्यात बँक व्यवस्थापक विजय कुमार यांचा मृत्यू झाला. विजयकुमार हे राजस्थानमधील हनुमानगडचा रहिवासी होते. ते कर्तव्यावर असताना दहशतवाद्यांनी त्यांच्यावर गोळ्या झाडल्या.

Jammu and Kashmir Attack
PM मोदीजी, आम्हाला सर्वांनाच तुरुंगात टाका; केजरीवाल संतापले

अमित शाह-डोभाल यांच्यात चर्चा

काश्मीरमध्ये हत्यासत्र सुरूच असल्याच्या पार्श्वभूमीवर राष्ट्रीय सुरक्षा सल्लागार अजित डोभाल यांनी गुरुवारी गृहमंत्री अमित शहा यांची भेट घेतली. या वेळी ‘रॉ’चे प्रमुख सामंत गोयल उपस्थित होते. या वेळी जम्मू-काश्मीरमधील सुरक्षेच्या मुद्दय़ावर चर्चा झाली असून, अमित शहा हे आज, शुक्रवारी उच्चस्तरीय बैठक घेणार आहेत. या बैठकीत अजित डोभाल यांच्यासह जम्मू-काश्मीरचे नायब राज्यपाल मनोज सिन्हा उपस्थित राहणार आहेत.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com