आमदाराकडं विमानतळावर सापडलं मोठं घबाड; नोटा मोजण्यासाठी मागवलं मशीन

जेडीयू आमदार दिनेश कुमार सिंह हे विमानतळावर उतरताच ईडी आणि आयकर विभागानं ताब्यात घेऊन चौकशी सुरू केली.
JDU MLC Dinesh Kumar Singh Latest Update News
JDU MLC Dinesh Kumar Singh Latest Update NewsSAAM TV

JDU MLC Dinesh Kumar Singh Detained | पाटणा: दिल्लीहून विमानानं बिहारची राजधानी पाटणाला परतणारे जेडीयू आमदार दिनेश कुमार सिंह यांच्याकडे मोठ्या प्रमाणात रोकड सापडली आहे. दिनेश सिंह यांना ताब्यात घेऊन विमानतळावरील व्हीआयपी लाउंजमध्ये चौकशी करण्यात येत आहे.

आयकर विभाग आणि ईडीचे पथक दिनेश कुमार सिंह यांची चौकशी करत आहे. सूत्रांच्या माहितीनुसार, जेडीयूचे (JDU) आमदार दिनेश सिंह यांच्याकडे मोठ्या प्रमाणात रोकड मिळाली आहे. त्यांची पत्नी बीना देवी या लोजप (पारस गट)च्या खासदार आहेत.

JDU MLC Dinesh Kumar Singh Latest Update News
Congress presidential elections : अशोक गहलोत कांग्रेसचे अध्यक्ष होणार ? चर्चांना उधाण

दिनेश सिंह हे दिल्लीहून (Delhi) विमानाने पाटणा येथे आले होते. पाटणा विमानतळावर (Airport) ते बाहेर पडत असताना त्यांना आयकर विभाग (Income Tax) आणि ईडीने (ED) ताब्यात घेतले. त्यांच्याकडे मोठ्या प्रमाणात रोख रक्कम सापडली. दोन्ही तपास यंत्रणांची पथके त्यांची चौकशी करत आहेत.

सूत्रांच्या माहितीनुसार, दिनेश सिंह यांच्याकडे मोठी रक्कम आढळून आली आहे. त्यामुळे नोटांची बंडले मोजण्यासाठी आयकर विभागाच्या पथकाने मशीन मागवली आहे. दिनेश सिंह यांच्याकडे नेमकी किती रक्कम सापडली आहे, याबद्दल अद्याप अधिक माहिती मिळू शकली नाही. दिनेश सिंह इतकी मोठी रक्कम घेऊन का येत होते, याची चौकशी पथक करत आहे.

JDU MLC Dinesh Kumar Singh Latest Update News
ED, CBI च्या कारवायांमागे पंतप्रधानांचा हात नाही पण..., मोदींचा बचाव करताना ममता बॅनर्जींचा भाजपवर घणाघात

आमदार दिनेश सिंह हे उपचारांसाठी दिल्लीच्या रुग्णालयात गेले होते, अशी माहिती मिळत आहे. बरेच दिवस ते रुग्णालयात उपचार घेत होते. त्यांच्या प्रकृतीत सुधारणा झाल्यानंतर १९ सप्टेंबरला रुग्णालयातून त्यांना सोडण्यात आले होते. रुग्णालयातून सोडल्यानंतर मंगळवारी, २० सप्टेंबर रोजी ते पाटण्याला परतले.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com