पाकिस्तान : न्यायमूर्ती आयशा मलिक (ayesha malik) यांनी सोमवारी पाकिस्तानच्या सर्वोच्च न्यायालयाच्या पहिल्या महिला न्यायाधीश म्हणून शपथ घेतली. पुराणमतवादी मुस्लिम बहुसंख्य देशाच्या न्यायालयीन इतिहासातील हा एक अनाेखा क्षण ठरल्याची चर्चा तेथे आहे. (justice ayesha malik takes oath as first woman judge of pakistans supreme court)
न्यायमूर्ती मलिक यांची मार्च २०१२ मध्ये पाकिस्तानच्या (pakistan) लाहोर उच्च न्यायालयाचे न्यायाधीश म्हणून नियुक्ती झाली होती. आता त्या जून २०३१ मध्ये (सेवानिवृत्त होईपर्यंत) सर्वोच्च न्यायालयाच्या (supreme court) न्यायाधीश म्हणून काम पाहणार आहेत.
सर्वोच्च न्यायालयाच्या औपचारिक सभागृहात आयोजित एका समारंभात सरन्यायाधीश गुलजार अहमद यांनी न्यायमूर्ती मलिक यांना शपथ दिली. यावेळी सर्वोच्च न्यायालयाचे न्यायाधीश, ऍटर्नी जनरल, वकील, कायद्याचे अधिकारी मोठ्या संख्येने उपस्थित होते. समारंभानंतर पत्रकारांशी बोलताना सरन्यायाधीश अहमद म्हणाले न्यायमूर्ती मलिक सर्वोच्च न्यायालयाचे न्यायाधीश होण्यासाठी पुरेसे सक्षम आहेत आणि पदोन्नतीसाठी इतर कोणीही पात्र नाही.
लाहोर उच्च न्यायालयाच्या वेबसाइटनुसार, 1966 मध्ये जन्मलेल्या मलिक यांचे पॅरिस, न्यूयॉर्क आणि कराची येथे शालेय शिक्षण झाले आहे. त्यांनी पाकिस्तान कॉलेज ऑफ लॉ, लाहोर येथे कायद्याचे शिक्षण घेतले आणि हार्वर्ड लॉ स्कूलमधून एलएलएम केले आहे.
edited by : siddharth latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
