बँकेचा मोठा निष्काळजीपणा; खोक्यात नोटा ठेवल्या; पाणी शिरल्याने 42 लाखांचा झाला लगदा

कानपूरमध्ये पंजाब नॅशनल बँकेचा मोठा निष्काळजीपणा
Kanpur News
Kanpur NewsSaam Tv

कानपूर - लोक त्यांचे पैसे सुरक्षित ठेवण्यासाठी बँकेत ठेवतात. पण बँका स्वत:कडे ठेवलेल्या नोटा किती जबाबदारीने ठेवतात, याचे एक उदाहरण उत्तर प्रदेशातील कानपूरमध्ये (Kanpur) पाहायला मिळाले. शहरातील पांडू नगर येथील पंजाब नॅशनल बँकेच्या शाखेत एका खोक्यात 42 लाख रुपयांच्या नोटा ठेवण्यात आल्या होत्या. या खोक्यात पाणी शिरल्याने यातील काही नोटांचा लगदा झाला आहे. त्यामुळे बँकेतील रकमांच्या सुरक्षिततेबाबतचे आता प्रश्नचिन्हं निर्माण झाली आहेत.

3 महिन्यांपूर्वी या नोटा बँकेत एका खोक्यात ठेवण्यात आल्या होत्या. मात्र, खोक्यात या खोक्यात पाणी शिरले आणि नोटा भिजल्या. बँक कर्मचार्‍यांनी खोक्यात सर्वात वरच्या नोटा पाहिल्या, मात्र, खोक्याच्या खालून पाणी शिरल्याचं त्यांच्या लक्षातच आलं नाही.

हे देखील पाहा -

बँकेच्या तिजोरीत जागाच शिल्लक नसल्याने या 42 लाख रुपयांच्या नोटा एका खोक्यात ठेवण्यात आल्या होत्या. रोकड वाढली की नोटा बॉक्समध्ये भरून भिंतीवर ठेवल्या जायच्या. याठिकाणी पावसात तळघराची भिंत ओलसर झाल्याने खोक्यात पाणी शिरले. त्यामुळे खोक्यात खालून पाणी गेलं आणि नोटा भिजल्याने त्याचा लगदा झाला.

दरम्यान, रिझर्व्ह बँक ऑफ इंडियाचे (आरबीआय) पथक पाहणीसाठी दाखल झाले. तपास सुरू होताच हे प्रकरण वरील अधिकाऱ्यांकडे पाठवण्यात आले. त्यानंतर पीएनबीच्या व्हिजिलन्स टीमनेही या प्रकाराची चौकशी सुरू केली. अखेर नोटांची दखल का घेतली जात नाही, असा प्रश्न उपस्थित करण्यात आला. 

Kanpur News
Beed: ...अन् जिल्हा शल्यचिकित्सकच म्हणतात चुना आहे का चुना? काय आहे नेमकं प्रकरण?

या दोन्ही अहवालानंतर पीएनबीच्या उच्च अधिकाऱ्यांनी पांडू नगर शाखेच्या चार अधिकाऱ्यांना निलंबित केले. ज्यामध्ये वरिष्ठ व्यवस्थापक देवीशंकर, व्यवस्थापक आसाराम, चेस्ट ऑफिसर राकेश कुमार आणि वरिष्ठ व्यवस्थापक भास्कर कुमार भार्गव यांचा सहभाग आहे. देवीशंकर यांनी 25 जुलै रोजीच पांडू नगर शाखेचा पदभार स्वीकारल्याची माहिती समोर येत आहे. नोटांचा लगदा झाल्याची घटना त्यापूर्वीची आल्याचे बोलले जात आहे. सध्या पीएनबीकडून या घटनेवर कोणताही अधिकारी बोलण्यास तयार नाही.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com