Karnataka VidhanSabha Election Result : ज्येष्ठ नेते शरद पवार (Sharad Pawar) यांच्या नेतृत्वाखालील राष्ट्रवादी काँग्रेसने (NCP) कर्नाटक विधानसभा निवडणुकीत नऊ मतदारसंघात उमेदवार उभे केले आहेत. आत्तापर्यंत हाती आलेल्या निकालानूसार एका मतदारसंघातून राष्ट्रवादीचा उमेदवार आघाडीवर आहे. अन्य मतदारसंघात पक्षास म्हणावे तेवढे यश आलेले नाही. (Maharashtra News)
गोवा, मेघालय आणि मणिपूर यांसारख्या राज्यांमधील राजकीय भवितव्यामुळे एनसीपीने राष्ट्रीय पक्षाचा दर्जा परत मिळवा यासाठी कर्नाटकात उमेदवार उभे केल्याची चर्चा आहे. कर्नाटकातील निवडणुकीच्या रिंगणात पक्षाचा प्रवेश अशा वेळी झाला आहे जेव्हा राष्ट्रवादी काँग्रेसचे सर्वेसर्वा शरद पवार हे आगामी काळात होणाऱ्या लोकसभा निवडणुकीसाठी विरोधकांची माेट बांधण्याच्या प्रयत्नात आहेत. त्यामुळे कर्नाटकातील पक्षाच्या उमेदवारांच्या मतांकडे आणि त्यांच्या मतदारसंघाकडे राजकीय वर्तुळाचे लक्ष लागून राहिले आहे.
या निवडणुकीत बेळगाव जिल्ह्यातील निपाणी विधानसभा मतदारसंघातून (nipani constituency) राष्ट्रवादी काँग्रेसचे उत्तम पाटील (Uttam Patil) देवर हिप्परगीमधून मसूरसाहेब बिलगी, जमीर अहमद इनामदार (बसवान बागेवाडी), कुलप्पा चव्हाण (नागठाण), R हरी (येलबुर्गा), R शंकर (राणेबेन्नूर), K सुगुणा (हंगरी बोम्मनहल्ली) SYM मसूद फौजदार (विराजपेठ) आणि रेहाना बानो (नरसिंहराजा) हे नऊ उमेदवार राष्ट्रवादी काॅंग्रेसकडून आपलं नशीब अजमावत आहेत.
राष्ट्रवादीच्या नऊ उमेदवारांपैकी बेळगाव जिल्ह्यातील निपाणी मतदार संघातून उत्तम पाटील हे प्रतिस्पर्धी उमेदवारांपेक्षा सुमारे 1333 मतांनी आघाडीवर गेले. या मतदारसंघात भाजपच्या शशिकला जोल्ले आणि कॉंग्रेसचे काकासाहेब पाटील हे देखील लढत देत आहेत.
दरम्यान उत्तम पाटील यांची ही आघाडी माेडीत काढत भाजपच्या शशिकला यांनी (सकाळी 11.25 वाजता) 966 मतांची आघाडी घेत पाटील गटास धक्का दिला. परंतु ही मतांची आघाडी फार टिकली नाही. पुन्हा पाटील यांनी 1272 मतांची आघाडी घेतली आहे. या मतदारसंघात एनसीपीला विजयाच्या आशा आहेत.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
