Karnataka Vidhan Sabha Election Results: कर्नाटक निवडणुकीत महाराष्ट्र एकीकरण समितीला नाकारलं; बेळगावात कोणी मारली बाजी?

रणजीत माजगावकर

karnataka Election Results: कर्नाटक निवडणुकीचे कल स्पष्ट झाले आहे. कर्नाटकात काँग्रेसने मुसंडी मारली आहे. तर बेळगावात महाराष्ट्र एकीकरण समितीला पीछेहाट स्वीकारावी लागली आहे. बेळगावकरांनी महाराष्ट्र एकीकरण समितीला नाकारल्याचे दिसून आले आहे. बेळगावातील १८ पैकी १२ जागांवर काँग्रेस आघाडीवर आहे. (Latest Marathi News)

बेळगावात काँग्रेस १२ तर भाजप ६ जागांवर आघाडीवर आहे. बेळगावात महाराष्ट्र एकीकरण समितीचे उमेदवार पराभवाच्या उंबरठ्यावर आहेत. बेळगाव दक्षिणमधून भाजपचे अभय पाटील विजयी झाले आहेत. बेळगावात महाराष्ट्र एकीकरण समितीचे रमाकांत कोंडूसकर यांचा पराभव झाला आहे. हुबळीमधून जगदीश शेट्टार यांचाही पराभव झाला आहे.

बेळगाव दक्षिण मतदार संघातून भाजपचे विद्यमान आमदार अभय पाटील चौथ्यांदा विजयी झाले आहेत. याचबरोबर जारकीहोळी ब्रदर्स पुन्हा एकदा विजयी झाले आहेत. भाजपकडून गोकाक मतदारसंघातून रमेश जारकीहोळी, तर अरभावी मतदारसंघातून भालचंद्र जारकीहोळी विजयी झाले आहेत. तर काँग्रेसकडून यमकनमर्डी मतदार संघातून सतीश जारकीहोळी विजयी झाले आहेत.

बेळगावात कोणत्या पक्षाचे उमेदवार आघाडीवार आहेत?

बेळगाव जिल्हा निवडणूक निकाल

1) दक्षिण - अभय पाटील - BJP

2) खानापूर - विठ्ठल हलगेकर BJP

3) निपाणी - शशिकला जोल्ले BJP

4) गोकाक - रमेश जारकीहोळी-BJP

5) आरभावी - भालचंद्र जारकिहोळी - BJP

6) हुक्केरी - निखिल कित्ती BJP

7) अथणी - लक्ष्मण सौदी - CONG (भाजप बंडखोर)

8) कागवड - भरमगौडा कागे- CONG

9) कित्तुर -बाबासाहेब पाटील CONG

10 ) बैलहोनगल - महानतेश कौझलगे CONG

11) कुडची - महेंद्र तमन्नावर- CONG

12) सौदत्ती - विश्वास वैद्य- CONG

13) रामदुर्ग - अशोक पट्टण-CONG

14) यमकनगर्डी -सतीश जारहीहोळी CONG

15) चिकोडी - गणेश हुक्केरी CONG

16) बेळगाव ग्रामीण - लक्ष्मी हेब्बाळकर - CONG

17) उत्तर - राजू शेठ - CONG

18) रायबाग - दुर्योधन ऐवळे BJP

काँग्रेस 11

भाजप - 7