Keral News: लहान मुलांना लागलेले मोबाईलचे वेड हा सध्या सर्वत्रच चिंतेचा विषय ठरत आहे. गेम खेळण्यासाठी, व्हिडिओ पाहण्यासाठी लहान मुले नेहमीच मोबाईलची मागणी करतात. ज्यांच्या हट्टापुढे अनेकदा पालकांनाही हार मानावी लागते. मात्र मोबाईल वापरताना अनेकदा अशा काही घटना घडतात. ज्याची आपण कल्पनाही करु शकत नाही.
केरळमधून अशीच एक धक्कादायक आणि भयंकर घटना समोर आली असून या घटनेत ८ वर्षीय चिमुकलीला जीव गमवावा लागला आहे. काय आहे हे संपूर्ण प्रकरण, चला जाणून घेवू.. (Latest Marathi News)
याबाबत अधिक माहिती अशी की, केरळमधील (Kerala) त्रिशूरमध्ये ही घटना घडली असून तिसरीत शिकणारी अदित्यश्री (वय, ८) ही विद्यार्थिनी मोबाईल चार्जिंगला लावून व्हिडिओ पाहत होती. याचवेळी मुलीच्या हातातल्या फोनचा जोरात स्फोट झाला (Mobile Blast) ज्यामध्ये ती जखमी गंभीर जखमी झाली. अपघातानंतर या मुलीला तात्काळ रुग्णालयात दाखल करण्यात आले. मात्र उपचारादरम्यान तिचा दुर्देवी मृत्यू झाला.
दरम्यान, तीन वर्षांपूर्वी हा फोन विकत घेण्यात आला होता अशीही माहिती समोर आली आहे. तसेच एक वर्षापूर्वी तिची बॅटरी बदलण्यात आली होती. मोबाइलचा स्फोट झाला तेव्हा मुलगी आपल्या आजीसोबत होती. स्फोट झाल्यानंतर मुलीच्या हाताला आणि चेहऱ्याला जखमा झाल्या आहेत. या दुर्देवी घटनेने परिसरात हळहळ व्यक्त केली जात आहे..
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.