Dance Video : लतादीदींच्या गाण्यावर पाकिस्तानी तरुणीचा भन्नाट डान्स; व्हिडीओ तुफान व्हायरल

Pakistani Girl Dance Video : सोशल मीडियाला व्हायरल व्हिडीओचं व्यासपीठ मानलं जातं. दररोज नवनवीन व्हिडीओ सोशल मीडियावर व्हायरल होत असतात. यातील काही व्हिडीओ हे मजेशीर असतात तर काही थक्क करणारे असतात. सध्या सोशल मीडियावर (Social Media) एका पाकिस्तानी तरुणीचा व्हिडीओ तुफान व्हायरल होत आहे. या व्हिडीओत पाकिस्तानी तरुणी लतादीदींच्या गाण्यावर भन्नाट डान्स करताना दिसून येत आहे. हा व्हिडीओ पाहून नेटकरी विविध प्रतिक्रिया देत आहे.

व्हायरल झालेला व्हिडीओ एका लग्न समारंभातील असल्याचं दिसून येत आहे. या समारंभात लता मंगेशकर यांच्या मेरा दिल ये पुकारे आजा गाण्यावर पाकिस्तानी तरुणी डान्स (Dance Video) करताना दिसून येत आहे. हा व्हिडिओ इंटरनेटवर प्रचंड व्हायरल (Viral Video) होत आहे. लोकांना हा व्हिडिओ खूप आवडला आहे. व्हिडीओमध्ये डान्स करणाऱ्या तरुणीचे नाव आयशा असल्याचं कळतंय.

आयशाने लूज फिट कुर्ता आणि पँट घातली आहे. ज्यामध्ये ती डान्स करताना दिसत आहे. ती खूप लक्षपूर्वक नाचत आहे. तिच्या लखलखत्या पावलांनी सर्वांचे लक्ष वेधून घेतले आहे. आयशा डान्स करत असताना अनेक महिलाही तिथे बसलेल्या दिसून येत आहे.

आयशानेही हातात कलिरे घातले होते, ज्यावरून ती नववधू आहे, असा अंदाज नेटकऱ्यांनी लावला आहे. मात्र, खरंच तिने आपल्याच लग्नात डान्स केला की ती दुसऱ्याच्या लग्नात नाचत आहे. याची पुष्टी अद्यापही झालेली नाही. हा व्हिडिओ आधी टिक टॉकवर शेअर करण्यात आला आणि नंतर तो इन्स्टाग्रामवर शेअर करण्यात आला. व्हिडीओ पाहून नेटकरी आयशाचं कौतुक करीत आहेत.