Gold Silver Price Down : सुवर्णसंधी ! सोन्याचे भाव 450 रुपयांनी घसरले; चांदीचा दरही नरमला, तपासा आजचे दर

Sona Chandi Bhav : अवघ्या काही दिवसांपासून सोन्या-चांदीच्या दरात सतत वाढ होत होती. अशातच आज सोन्याच्या चांदीच्या भावात घसरण पाहायला मिळाली आहे. लग्नसराईचा मुहूर्त संपण्यासाठी काही दिवस बाकी असताना ग्राहकांसाठी सोने खरेदी करण्याची आज सुवर्णसंधी आहे.

आज सराफ बाजारात 22 कॅरेट १० ग्रॅम  सोन्याचा (Gold)  भाव 57,650 रुपये आणि 24 कॅरेट सोन्याचा 10 ग्रॅमचा भाव 60,530 रुपये झाला आहे. तर चांदीचा भाव 78,200 रुपये प्रति किलो झाला आहे. (18th May 2023 Update )

सराफ व्यापारी आणि इंडियन बुलियन ज्वेलर्स असोसिएशनचे सदस्य मनीष शर्मा यांनी सांगितले की, आज सोन्या-चांदीच्या भावात घसरण झाली आहे.

चांदीच्या भावात 600 रुपयांनी घट झाली असून ती आज 78,200 रुपये प्रति किलो भावाने विकली जाईल. तर काल सायंकाळपर्यंत 78,800 रुपये दराने चांदीची विक्री झाली आहे.

1. सोन्याचे भाव झाले कमी

मनीर्ष शर्मा म्हणतात की, 22 कॅरेट 24 कॅरेट सोन्याच्या 10 ग्रॅमच्या दरात 450 रुपयांनी घसरले आहे तर काल संध्याकाळी 22 कॅरेट 10 ग्रॅम सोन्याचा भाव हा 58,100 रुपयांवर होता. आज त्याची किंमत 57,650 रुपये इतकी करण्यात आली आहे.

अर्थात यामध्ये ४५० रुपयांनी घट झालेली पाहायला मिळाली. तर काल 24 कॅरेट सोने हे 61,010 रुपये 10 ग्रॅमवर होते. आज त्याची किंमत (Price) 60,530 रुपये इतकी झाली आहे.

2. 22 आणि 24 कॅरेटमध्ये काय फरक आहे?

24 कॅरेट सोने 99.9% शुद्ध आहे आणि 22 कॅरेट अंदाजे 91% शुद्ध असतं. 22 कॅरेट सोन्यात तांबे, चांदी, जस्त यांसारख्या 9% इतर धातूंचे मिश्रण करून दागिने तयार केले जातात. 24 कॅरेट सोने शुद्ध असले तरी त्याचे दागिने बनवता येत नाहीत. त्यामुळे बहुतेक दुकानदार 22 कॅरेटमध्ये सोने विकतात.

3.  हॉलमार्कचे (Hallmark) सोनं कसे खरेदी कराल?

सोनं (Gold) खरेदी करताना आपण त्याची गुणवत्ता तपासायला हवी. हॉलमार्कचे चिन्ह असल्यावरच ते खरेदी करा. यामध्ये याची हमी सरकार आपल्याला देते. ब्युरो ऑफ इंडियन स्टँडर्ड्स (BIS) हॉलमार्क ठरवते. हॉलमार्किंग योजना ब्यूरो ऑफ इंडियन स्टँडर्ड्स अॅक्ट, नियम आणि नियमन अंतर्गत कार्य करते.