Mamata Banerjee On Lok Sabha 2024 : कर्नाटक विधानसभा निवडणुकीत काँग्रेसने दणदणीत विजय मिळवला आहे. काँग्रेच्या या विजयची दाखल आता राष्ट्रीय पातळीवरही घेतली जात आहे. यातच आता पश्चिम बांगलाच्या मुख्यमंत्री ममता बॅनर्जी यांनी काँग्रेस पक्षाला पाठिंबा देण्याबाबत वक्तव्य केलं आहे.
ममता बॅनर्जी (Mamata Banerjee) म्हणाल्या आहेत की, ज्या राज्यांमध्ये त्यांची परिस्थिती बळकट आहे, तेथे टीएमसी (TMC) काँग्रेसला पाठिंबा देण्यास तयार आहे. मात्र बंगालसारख्या राज्यात काँग्रेसला टीएमसीला मदत करावी लागेल, असं ममता बॅनर्जी म्हणाल्या आहेत.
ममता बॅनर्जी (Mamata Banerjee) 2024 च्या सार्वत्रिक निवडणुकीसाठी सर्व विरोधी पक्षांमध्ये चर्चा सुरू व्हावी म्हणून प्रयत्न करत आहेत. बांगलामध्ये पत्रकार परिषेदेला संबोधित करताना ते म्हणाले आहेत की, ''मी जादूगार नाही, ज्योतिषीही नाही. भविष्यात काय होईल हे मी सांगू शकत नाही. पण मी तुम्हाला एक गोष्ट सांगू शकते, जिथे प्रादेशिक पक्ष बळकट आहेत, तिथे भाजप लढू शकत नाही. कर्नाटकच्या जनतेने केलेलं मतदान हे भाजप सरकारच्या विरोधातला जनादेश आहे.'' (Latest Marathi News)
ते पुढे म्हणाले, देशाची अर्थव्यवस्था कमकुवत झाली आहे. लोकशाही बुलडोझरने चिरडली जात आहे. पैलवानांचेही ऐकले जात नाही. त्यामुळे या परिस्थितीत सर्वानी एकत्र येऊन लढा दिला पाहिजे.
ममता बॅनर्जी म्हणाल्या की, ज्या जागांवर काँग्रेस पक्ष मजबूत आहे, त्या जागांवर ते भाजपशी लढू शकतात. त्या म्हणाले, ''सशक्त पक्षाला प्राधान्य द्यायला हवे आणि जिथे काँग्रेस पक्ष मजबूत असेल तिथे त्यांना लढू द्या, आमचा पाठिंबा असेल. मात्र त्यासाठी काँग्रेसला इतर पक्षांनाही साथ द्यावी लागणार आहे.''
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
