अबब ! ३४ अब्ज रुपये आलं लाईट बिल; सुनेचा वाढला बीपी, सासरे रुग्णालयात दाखल

वीज बिल अचानक वाढून येण्याची आपण प्रकरणे पाहिली आहेत, पण मध्य प्रदेशात अब्जात वीज बिल आले आहे.
Madhya Pradesh Electricity Bill
Madhya Pradesh Electricity BillSaam Tv

नवी दिल्ली: वीज (Power) बिल खूप वाढून येते. २०० ते ५०० रुपये येणारे वीज बिल काहीवेळा हजारांत येते. पण आता एक वीज बिल अब्जात आलेले समोर आले आहे. मध्य प्रदेशातील (Madhya Pradesh) ग्वाल्हेरमध्ये हा प्रकार समोर आला. ग्वाल्हेरमध्ये वीज विभागाने एका कुटुंबाला कोट्यवधी रुपयांचे बिल दिल्याने सासरे आणि सुनेला मोठा धक्का बसला. या वीज बिलातील आकडा पाहून सुनेचा बीपी वाढला आहे, तर सासऱ्यांना रुग्णालयात दाखल करावे लागले आहे.

हे धक्कादायक प्रकरण मध्य प्रदेशातील ग्वाल्हेरच्या शिव बिहार कॉलनी येथील आहे. येथे राहणारे संजीव कनकणे हे व्यवसायाने वकील आहेत. त्यांची पत्नी प्रियांका गुप्ता गृहिणी आहे. त्यांना जुलै महिन्यातील वीज बिल आले. तेव्हा ते बिल पाहून कुटुंबातील सर्व सदस्यांचा घाम फुटला. त्यांचे जुलै महिन्यातील वीज (Power) बिल ३४ अब्ज रुपयांपेक्षा जास्त आले, ते पाहून त्यांची पत्नी प्रियंका यांचा बीपी वाढला आणि त्यांची प्रकृती अचानक बिघडली. तर त्यांचे वडील राजेंद्र प्रसाद गुप्ता यांना अगोदरच हृदयाचा त्रास आहे. त्यांना आलेले बिल पाहून त्यांचा रक्तदाब वाढला. यानंतर वडिलांना रुग्णालयात दाखल करावे लागले आहे.

Madhya Pradesh Electricity Bill
सावधान! राज्यात पुढील 3 दिवस मुसळधार पावसाचा इशारा; हवामान खात्याकडून अलर्ट

कोट्यवधी रुपयांचे हे बिल बरोबर करुन मिळावे, यासाठी संजीव यांना वीज (Power) विभागाच्या अनेक फेऱ्या माराव्या लागल्या. यानंतर वीज कंपनीने त्यांच्या बिलात दुरुस्ती केली. आता संजीव यांचे वीज बिल फक्त १३०० रुपये आले आहे.

'ही आमच्या कर्मचाऱ्याच्या हातून चूक झाली होती, ती आता सुधारण्यात आली आहे. ही बाब गांभीर्याने घेत संबंधित अधिकाऱ्यावर कारवाई करण्यात आली आहे, अशी माहिती वीज कंपनीचे महाव्यवस्थापक यांनी दिली.

Madhya Pradesh Electricity Bill
Monsoon Session : 'आप'चे खासदार संजय सिंह यांना राज्यसभेतून केले निलंबित

वीज कंपनीच्या अशा उणिवामागे तात्पुरत्या जोडण्या कायम न करणे हेच कारण असल्याचे अनेक वीज ग्राहकांचे म्हणणे आहे. या कारणास्तव घर खरेदी करून दोन वर्षांहून अधिक काळ लोटला तरी त्यांना व्यावसायिक दरानेच वीजबिल भरावे लागत आहे. एकूणच मध्य प्रदेशातील वीज कंपनीच्या मनमानीमुळे जनता प्रचंड नाराज आहे. कुठे वीज कपातीचा त्रास लोकांना भेडसावत आहे, तर कुठे वाढीव वीजबिलाचा (Power) त्रासाला सामोरे जावे लागत आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com