भीक मागून पत्नीसाठी खरेदी केली मोपेड बाईक; भिकाऱ्याचं पत्नीप्रेम पाहून थक्क व्हाल

मुंबई: पती आणि पत्नी यांचं नातं हे तुझं माझं जमेना तुझ्यावाचून करमेना असंच असतं. पती आणि पत्नी (Wife) हे आयुष्यभर एकमेकांना साथ देण्याचं वचन लग्नाच्या वेळी देत असतात. एकमेकांची काळजी घेणं यातूनच ते आपलं प्रेम व्यक्त करतात. याला भिकारीही (Beggar) अपवाद नाही. मध्य प्रदेशच्या (Madhya Pradesh) छिंदवाडा (Chhindwara) येथे अशीच एक घडली आहे. (Madhya Pradesh Beggar Purchase Bike For His Wife)

हे देखील पाहा -

भिकाऱ्याने पत्नीसाठी घेतली ९० हजारांची मोपेड बाईक

मध्य प्रदेशमधील एका भिकाऱ्याने भिक मागून जमा केलेल्या पैशांनी चक्क एक मोपेड बाईक (Mophed Bike) विकत घेतली आहे. या मोपेडवर संतोष साहू आणि त्यांची पत्नी मुन्नी हे जोडपे भीक मागून आपलं पोट भरतात. दोघेही एकाच मोपेडने भीक मागण्यासाठी वेगवेगळ्या ठिकाणी जातात. पण एका भिकाऱ्याला मोपेड का विकत घ्यावी लागली? आणि त्यासाठी पैसे कुठून आले याची कथा खूप गोड आणि मनोरंजक आहे.

म्हणून पत्नीला गिफ्ट केली तब्बल ९० हजारांची मोपेड बाईक

खरंतर ही मोपेड संतोषने त्याची पत्नी मुन्नीला भेट म्हणून दिली आहे. संतोष हा दोन्ही पायांनी अपंग आहे. त्याने सांगितले की, त्याच्याकडे पूर्वी एक ट्रायसायकल होती, त्यावर दोघे मिळून ट्रायसायकलवरून भीक मागायचे. बायकोला पायीच ट्रायसायकल ढकलायची होती आणि त्यावर बसल्यामुळे मुन्नीला पाठदुखीचा त्रास होऊ लागला. त्यामुळे ती आजारी पडली आणि संतोषला तिच्या उपचारासाठी संतोषला ५० हजार रुपये खर्च करावे लागले. यानंतर संतोषने जवळपास ४ वर्ष एक-एक पैसा जोडला आणि पैसे जमा केले. आता पत्नीला वृद्धापकाळात कोणतीही अडचण येऊ नये म्हणून त्याने ही मोपेड बाईक तब्बल ९० हजार रुपयांना विकत घेतली आहे. आता दोघेही या मोपेडवरून मध्यप्रदेशच्या सिवनी, इटारसी, भोपाळ आणि इंदूर या शहरांत भिक मागण्यासाठी जातात.

मोपेड खरेदी केल्यानंतर संतोषने त्याला मदत करणाऱ्यांना मिठाईही खाऊ घातली. भिकारी जोडप्याची ही अनोखी प्रेम कहाणी सोशल मीडियावर व्हायरल होत आहे. भिकाऱ्याने मोपेड विकत घेतल्याने अनेकांना आश्चर्य वाटत आहे, तर अनेकांना यात केवळ एका पतीचे आपल्या पत्नीवर असलेलं अपार प्रेम दिसून येत आहे.

Edited By - Akshay Baisane