Madhya Pradesh News: मध्य प्रदेशमध्ये दहशतवाद (Terrorism ) विरोधी पथकाने (एटीएस) कट्टरपंथी इस्लामिक हिज्ब-उत-तहरिरच्या (Hizb ut-Tahrir) संघटनेच्या चौकशीत एक धक्कदायक खुलासा केला आहे. एटीएसने अटक केलेल्या आरोपींमध्ये तीन असे तरुण आहेत, ज्यांनी हिंदू धर्म सोडत इस्लाम धर्माचा स्वीकार केला होता.
यानंतर या तिघांनी हिंदू मुलींशी लग्न करून त्यांना धर्मांतर करण्यास भाग पाडलं. तपासात असेही समोर आले आहे की, अटक करण्यात आलेल्या आरोपींपैकी एक भोपळमध्ये कोचिंग क्लासेस चालवत होता आणि तो शिवणीत येणाऱ्या मुलांचं ब्रेनवॉश करत होता.
मध्य प्रदेशचे गृहमंत्री नरोत्तम मिश्रा यांच्या म्हणण्यानुसार, हिंदू धर्म सोडून इस्लाम धर्म स्वीकारणाऱ्या आरोपींपैकी मोहम्मद सलीम, ज्याचे खरे नाव सौरभ राजवैद्य आहे, याला हैदराबादमधून अटक करण्यात आली. याशिवाय देवीप्रसाद पांडे याने आपले नाव बदलून अब्दुर रहमान ठेवले होते. (Latest Marathi News)
हैदराबाद येथील रहिवासी असलेल्या वेणू कुमारने आपले नाव बदलून अब्बास अली असे ठेवले आहे. या सर्वांनी हिंदू मुलींशी लग्न करून त्यांना इस्लाम धर्म स्वीकारायला भाग पाडलं.
याबाबत माहिती देताना मध्य प्रदेशचे मुख्यमंत्री शिवराज सिंह चौहान म्हणाले की, भोपाळ आणि हैद्राबाद येथून अटक करण्यात आलेल्या आरोपींमध्ये काही जिम ट्रेनर होते, काही टेलर होते, काही ऑटो चालवायचे आणि काही कोचिंग चालवायचे. समाजात राहून निष्पाप मुलींचे ब्रेनवॉश करून त्यांचं धर्मांतर करणं हा त्यांचा उद्देश होता.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
