New Zealand Earthquake News : न्यूझीलंडमधून एक धक्कादायक घटना समोर आली आहे. न्यूझीलंडमध्ये बुधवारी (15 मार्च) 7.1 तीव्रतेच्या भूकंपाचे धक्के जाणवले. अद्याप तरी या भूकंपाने जीवितहानीचे वृत्त आलेले नाही. चीनच्या भूकंप मापन केंद्राने या भूकंपाची वेळ चिनी प्रमाणवेळेनुसार 8.56 मिनिटे इतकी सांगितली आहे. (Latest Marathi News)
मिळालेल्या माहितीनुसार, न्यूझीलंडच्या केरमाडेक बेटावर हा भूकंप आला आहे. स्थानिक सरकारच्या भूकंपीय मॉनिटर जियोनेटद्वारे मिळालेल्या माहितीनुसार भूकंपाचे धक्के १० किमी खोल होते. जियोनेटने दिलेल्या माहितीनुसार भूकंपाचे धक्के संपूर्ण देशभरात जाणवले.
विशेष बाब म्हणजे, काही दिवसांपूर्वी तुर्की सीरियात झालेल्या भूकंपात हजारोंवर माणसे मृत्यूमुखी पडली आहेत. त्यानंतर अफगाणिस्तान आणि अन्य ठिकाणी देखील भूकंपाचे धक्के बसले आहेत. या भूकंपाची तीव्रता 7.8 रिक्टर स्केल इतकी होती.
भूकंपाचं केंद्र तुर्कीच्या दक्षिण भागातील गाजियांटेप होतं. ही जागा सीरिया आणि तुर्कस्थानच्या सीमेवर आहे. त्यामुळे या दोन्ही देशात हाहाकार माजला. या भीषण भूकंपानंतर दोन्ही देशातील 50 हजार नागरिकांनी आपला जीव गमावला. तर 5 लाख 20 हजार घरांसह 1 लाख 60 हजार इमारतीही या भूकंपामुळे कोसळल्या होत्या.
दरम्यान, यापूर्वी देखील न्यूझीलंडमध्ये १५ फेब्रुवारी रोजी भूकंपाचे धक्के बसले होते. त्यावळी ६.१ रिश्टर स्केल इतक्या तीव्रतेचा भूकंप आला होती. EMSC ने दिलेल्या माहितीनुसार लोअर हटपासून ७८ किलोमीटर वायव्येला भूकंपाचे हादरे बसले होते. या भूकंपाचं केंद्र पारापारामूपासून ५० किलोमीटर वायव्येला आणि ७६ किलोमीटर खोल होतं.
Edited By - Satish Daud
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
