ईडीकडून मुंबईसह विविध राज्यात ३९ ठिकाणी छापेमारी केल्याची मोठी बातमी समोर आली आहे. महादेव ऑनलाईन बेटींग अँपशी सबंधित ही सर्वात मोठी कारवाई केली असून यामध्ये तब्बल ४१७ कोटींची मालमत्ता ईडीकडून जप्त करण्यात आली आहे. या प्रकरणी बॉलिवूडमधील अनेक बडे अभिनेते रडारवर असल्याचेही सांगण्यात येत आहे.
याबाबत सविस्तर माहिती अशी की, अंमलबजावणी संचालनालयाने (ED) ऑनलाइन जुगार ऍप महादेव बुक मनी लॉन्ड्रिंग प्रकरणी मोठी कारवाई केली आहे. छत्तीसगडचे रहिवासी असणारे रवी उप्पल आणि सौरभ चंद्रकार हे महादेव बेटींग ऍपचे प्रमोटर असून ते सध्या ईडीच्या रडारवर आहेत.
या प्रकरणी ईडीने कोलकाता, भोपाळ आणि मुंबई येथे छापे टाकले. या छापेमारीत ईडीने तब्बल तब्बल ४१७ कोटींची मालमत्ता जप्त केलेली आहे. यामध्ये गोविंद केडिया नावाच्या व्यक्तीच्या घरी १८ लाख रोख रक्कम आणि १३ कोटींचे सोन्याचांदीचे दागिने ईडीला सापडले आहेत.
महादेव बेटींग अँपच्या माध्यमातून करोडोंची अफरातफर होत असून काही सेलिब्रेटी आणि सरकारी अधिकाऱ्यांना यातून पैसे गेल्याचा दावा ईडीकडून करण्यात आला आहे. तसेच योगेश पोपट नावाच्या व्यक्तीच्या माध्यमातून हवाला रैकेट चालवले जात असल्याची माहितीही समोर आली आहे.
धक्कादायक बाब म्हणजे या प्रकरणात १४ पेक्षा अधिक बडे बॉलिवूड सेलिब्रेटी (Bollywood Celibraty) ईडीच्या रडारवर असल्याचेही सांगण्यात येत आहे. अभिनेता टायगर श्रॉफ, गायिका नेहा कक्कर, सनी लिओनी, कृष्णा अभिषेक, राहत फतेह अली खान,विशाल ददलानी, भारती सिंग,नुसरत भरुचा,आतिफ अस्लम यासह अनेक दिग्गजांचा यामध्ये समावेश आहे. (Latest Marathi News)
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
