Jammu Kashmir Accident: जम्मू-काश्मीरच्या किश्तवाडमध्ये कर्मचाऱ्यांना घेऊन जाणारी कार दरीत कोसळून भीषण अपघात झाला आहे. या अपघातात 7 जणांना आपला जीव गमवावा लागला आहे.
अधिकाऱ्यांनी दिलेल्या माहितीनुसार, सकाळी 8.35 च्या सुमारास डच्चन भागातील डांगदुरी पॉवर प्रोजेक्ट साइटजवळ हा अपघात झाला. अपघातानंतर गाडीचा अक्षरश: चक्काचूर झाला आहे.
गाडीमध्ये एकूण 10 जण प्रवास करत होते, त्यापैकी 7 जणांचा मृत्यू झाला आहे. तर जखमींना उपचारासाठी रुग्णालयात दाखल करण्यात आलं आहे. बचावकार्य अद्याप सुरू असून घटनेबाबत सविस्तर माहिती घेतली जात आहे. (Latest Marathi News)
मिळालेल्या माहितीनुसार, डांगदुरी वीज प्रकल्पातील कर्मचाऱ्यांना घेऊन जाणाऱ्या क्रुझ कारला हा अपघात झाला.
केंद्रीय मंत्री जितेंद्र सिंह यांनी अपघाताची माहिती देताना सांगितलं की, किश्तवाडचे उपायुक्त डॉ. देवांश यादव यांच्याकड़ून डांगदुरी धरणाच्या ठिकाणी झालेल्या रस्ते अपघाताची माहिती घेतली. या घटनेत 7 जणांचा मृत्यू झाला असून 1 जण गंभीर जखमी झाला आहे.
जखमींना आवश्यकतेनुसार किश्तवाड जिल्हा रुग्णालयात किंवा जीएमसी डोडा येथे हलवले जात आहे. आवश्यकतेनुसार शक्य ती सर्व मदत केली जाईल, असं जितेंद्र सिंह यांनी म्हटलं.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
