वृत्तसंस्था : शेतकऱ्यांच्या आंदोलनस्थळी सिंघु बॉर्डरवर एका तरुणाची निर्घृणपणे हत्या करण्यात आली होती. त्याचा मृतदेह देखील लटकवण्यात आला होता. या घटनेमुळे देशात मोठी खळबळ माजली होती. दरम्यान, याप्रकरणी आता चौघांच्या पोलिसांनी मुसक्या आवळले आहेत. पोलिसांनी या हत्येप्रकरणी २ निहंगांना अटक करण्यात आली आहे, तर इतर २ आरोपींनी पोलिसांसमोर आत्मसमर्पण केले आहे.
हे देखील पहा-
आत्मसमर्पण करण्याअगोदर दोघांनी डेरामध्ये श्रीगुरु ग्रंथ साहिबसमोर अरदास अर्पण केली आहे. शनिवारी संध्याकाळी, सोनीपत पोलिसांचे एक पथक आत्मसमर्पण केलेल्या निहंगांना घेण्याकरिता रात्री ८.३० वाजेच्या सुमारास सिंघू सीमेवर असलेल्या निहंगांच्या तंबूत पोहोचले आणि सुमारे ४५ मिनिटांनी दोघांनाही त्याठिकाणी अटक करण्यात आली.
शुक्रवारी सकाळी झालेल्या हत्येप्रकरणी आतापर्यंत एकूण ४ निहंग पोलिसांच्या ताब्यात आहेत. सरबजीत सिंगने शुक्रवारी आत्मसमर्पण केले होते तर, शनिवारी नारायण सिंगने अमृतसरमध्ये शरणागती पत्करली होती. भगवंत सिंग, गोविंद सिंग यांनी सिंगू सीमेवर कुंडली पोलिसांना आत्मसमर्पण केले आहे.
दरम्यान, शनिवारी पंजाबच्या तरण तारण जिल्ह्यामधील गावात कडक सुरक्षा व्यवस्थेदरम्यान मृत लखबीर सिंगवर कुटुंबीयांच्या उपस्थितीत अंत्यसंस्कार करण्यात आला. लखबीरच्या अंत्यसंस्काराच्या वेळी अर्दाससाठी त्याठिकाणी कोणताही ग्रंथी उपस्थित नव्हता, किंवा त्याच्या गावी चीमा कलांमधील कोणीही अंत्यसंस्काराला उपस्थित नव्हते.
Edited By- Digambar Jadhav
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
